یونیورسٹی وی سیز کیلئے بیوروکریٹس کی تعیناتی کا بل واپس لیا جائے، رضا ربانی کا وزیراعلیٰ سندھ کو مشورہ

یہ ترمیم غیر ماہر افراد کو وی سی کے عہدے پر تعینات کرنے کی راہ ہموار کرے گی، ، اس قسم کی تعیناتیاں اس خودمختاری کو متاثر کریں گی، بیان

پیر 20 جنوری 2025 23:26

اسلام آباد (اُردو پوائنٹ اخبارتازہ ترین - این این آئی۔ 20 جنوری2025ء)سابق چیئرمین سینیٹ اور رہنما پیپلز پارٹی میاں رضا ربانی نے سندھ کی جامعات میں وائس چانسلرز کی تقرری کے لیے بیوروکریٹس کی تعیناتی سے متعلق بل واپس لینے کا مشورہ دے دیا۔

(جاری ہے)

رضا ربانی نے اپنے بیان میں کہا کہ غیر پی ایچ ڈی امیدواروں اور بیوروکریٹس کو وائس چانسلر بننے کی اجازت دی گئی، یہ ترمیم غیر ماہر افراد کو وی سی کے عہدے پر تعینات کرنے کی راہ ہموار کرے گی۔

رضا ربانی نے کہاکہ سندھ یونیورسٹیز اینڈ انسٹی ٹیوٹس لاز ایکٹ میں ترمیم فوری واپس لی جائے، یونیورسٹیاں خودمختار ہیں اور اپنے متعلقہ قوانین کے تحت چلتی ہیں، اس قسم کی تعیناتیاں اس خودمختاری کو متاثر کریں گی۔سابق چیئرمین سینیٹ نے کہاکہ اس قسم کی تقرریاں جامعات کے تعلیمی معیار اور تعلیمی آزادی پر اثر ڈالیں گی، وزیر اعلیٰ سندھ کو مشورہ دیتا ہوں کہ اس ترمیم کو واپس لے لیا جائے۔