Live Updates

توشہ خانہ ٹو‘ عمران خان اور بشریٰ بی بی کی درخواستِ بریت دوسرے بینچ منتقلی کی استدعا

میرے پاس تحریری طور پر اعتراض کی درخواست موجود ہے لیکن دائر نہیں کرنا چاہتا، وکیل کے دلائل

منگل 28 جنوری 2025 15:27

توشہ خانہ ٹو‘ عمران خان اور بشریٰ بی بی کی درخواستِ بریت دوسرے بینچ ..

اسلام آباد(اُردو پوائنٹ اخبارتازہ ترین - این این آئی۔ 28 جنوری2025ء)عمران خان اور بشریٰ بی بی نے توشہ خانہ ٹو کیس میں درخواستِ بریت دوسرے بینچ کو منتقل کرنے کی استدعا کردی۔ بانی پی ٹی آئی اور بشریٰ بی بی کی توشہ خانہ ٹو کیس میں بریت کی درخواستوں پر سماعت اسلام آباد ہائی کورٹ کے جسٹس راجا انعام امین منہاس نے کی، جس میں بیرسٹر سلمان صفدر اور ایف آئی اے پراسیکیوٹر عمیر مجید عدالت کے سامنے پیش ہوئے۔

دورانِ سماعت وکیل سلمان صفدر نے اپنے دلائل میں کہا کہ میں اپنے کلائنٹ کی ہدایات کے مطابق عدالت کے سامنے اپنی استدعا رکھتا ہوں۔ یہ کیس اس ہائیکورٹ کے بہت سینئر جج پہلے سے سٴْن چکے ہیں۔بیرسٹر سلمان صفدر نے کہا کہ خاور مانیکا نے بانی پی ٹی آئی کی عِدت کیس میں بریت کے خلاف اپیل دائر کی، عِدت کیس میں انہی گراؤنڈز پر کیس دوسرے بینچ کو منتقل کرنے کا آرڈر ہو گیا۔

(جاری ہے)

اسلام آباد ہائیکورٹ میں اتنے سینئر ججز موجود ہیں اور مجھے اپنے کلائنٹ کی ہدایات ہیں۔ انہوں نے کہا کہ میرے پاس تحریری طور پر اعتراض کی درخواست موجود ہے لیکن دائر نہیں کرنا چاہتا۔ میری استدعا ہے کہ عدالت کوئی نئی تاریخ نہ دے اور اس نکتے پر تھوڑا سوچ لے۔ بیرسٹر سلمان صفدر نے بانی پی ٹی آئی اور بشریٰ بی بی کے خلاف توشہ خانہ ٹو کیس میں بریت کی درخواست دوسرے بینچ کو منتقل کرنے کی استدعا کردی۔بعد ازاں جسٹس راجا انعام امین منہاس نے کیس کی سماعت ملتوی کر دی۔