سعودی عرب، سمارٹ فون پر ابشر ایپلی کیشن کے ذریعے نئی سروسز کا آغاز

منگل 4 فروری 2025 17:03

ریاض(اُردو پوائنٹ اخبارتازہ ترین - این این آئی۔ 04 فروری2025ء) سعودی عرب میں سمارٹ فون پر ابشر ایپلی کیشن کے ذریعے نئی سروسز کا آغاز کردیا گیا۔عرب ٹی وی کے مطابق سعودی مصنوعی ذہانت سدایا کے تعاون سے نئی خدمات کا افتتاح وزارت کے نگران برائے شہری امور بریگیڈیئر ڈاکٹر صالح المربع نے کیا۔

(جاری ہے)

ان نئی سروسز میں سعودی شہریوں کے لییگمشدہ یا تلف ہونے والے فیملی کارڈ کے اجرا کے علاوہ برتھ اور ڈیتھ سرٹیفکیٹ کا اجرا ابشر کی سمارٹ فون ایپلی کیشن کے ذریعے کیا جاسکتا ہے۔محکمہ سول افئیرز کا کہنا ہے کہ سمارٹ فونز ایپلی کیشن پر ابشر پلیٹ فارم لاگ ان کرنے کے بعد مطلوبہ خدمات حاصل کی جاسکتی ہیں۔