سمارٹ واچز، فٹنس ٹریکرز اور دیگر سمارٹ ڈیوائسزسائبر سیکورٹی رسک قرار

منگل 4 فروری 2025 20:33

سمارٹ واچز، فٹنس ٹریکرز اور دیگر سمارٹ ڈیوائسزسائبر سیکورٹی رسک قرار
ِاسلام آباد(اُردو پوائنٹ اخبارتازہ ترین - آن لائن۔ 04 فروری2025ء)سمارٹ واچز، فٹنس ٹریکرز اور دیگر سمارٹ ڈیوائسز سائبر سیکورٹی رسک قرار دے دیئے گئے،کابینہ ڈویژن نے حساس مقامات پر پہننے کے قابل ڈیوائسز کے استعمال پر پابندی کی سفارش کردی،نیشنل ٹیلی کام اینڈ انفارمیشن ٹیکنالوجی سیکورٹی بورڈ نے ایدوائزری جاری کردیں، ،ایڈوائزری میں کہاگیا ہے کہ پہننے کے قابل سمارٹ ڈیوائسز سیکورٹی رسک ہیں،یہسمارٹ ڈیوائسزخفیہ معلومات کے افشا کرنے میں ملوث ہیں، حساس مقامات میں ان ڈیوائسز کا استعمال سائبر حملوں کا باعث بن سکتی ہیں،یہ ڈیوائسز ڈیٹا لیک اور غیر مجاز ٹریکنگ کا باعث بن سکتی ہیں،پہننے کے قابل سمارٹ ڈیوائسز ادارہ جاتی سیکورٹی کیلئے سنگین خطرہ ہیں،حساس مقامات پر ان ڈیوائسز کے استعمال سے قبل آڈٹ کو لازمی قراردیا گیا ہے،ڈیوائس کی سیکیورٹی آرکیٹیکچر، ڈیٹا انکرپشن کے معیار کی جانچ ضروری ہے،حساس مقامات پر استعمال سے قبل ان ڈیوائسز کے تصدیقی میکانزم کا جائزہ لیا جائے ،حساس اجلاسوں، آپریشنز والے مقامات پر ان ڈیوائسز کے استعمال پر پابندی ہونی چاہیے،منظور شدہ ڈیوائسز کے سخت سیکورٹی چیک کے بعد ہی استعمال کی اجازت ہونی چاہیے ،حساس مقامات پر ان ڈیوائسز کے غیر ضروری فیچرز جیسے کہ جی پی ایس اور بلوٹوتھ کو غیر فعال کیا جائے،تمام منظور شدہ ڈیوائسز کے ملٹی فیکٹر تصدیقی نظام پر عملدرا?مد کو یقینی بنایا جائے،ماضی میں پہننے سے قابل ڈیوائسز سے ڈیٹا لیک کے واقعات ہوچکے ہیں،ماضی میں ان ڈیوائسز کے ذریعے حساس ڈیٹا پر سائبر حملے ہوچکے ہیں ،ڈیٹا لیک سے بچنے کیلئے پہننے کے قابل ڈیوائسز سخت کنٹرول نافذ کرنے کی ہدایت کی گئی ہے۔

متعلقہ عنوان :