بجلی کی قیمت میں 1پیسہ کمی کا اعلان

نیپرا نے مارچ کی فیول پرائس ایڈجسٹمنٹ کے تحت بجلی کی قیمت میں کمی کا نوٹیفکیشن جاری کر دیا

محمد علی منگل 5 مئی 2026 23:48

لاہور (اُردو پوائنٹ اخبارتازہ ترین۔ 05 مئی2026ء) بجلی کی قیمت میں 1پیسہ کمی کا اعلان، نیپرا نے مارچ کی فیول پرائس ایڈجسٹمنٹ کے تحت بجلی کی قیمت میں کمی کا نوٹیفکیشن جاری کر دیا۔ تفصیلات کے مطابق نیشنل الیکٹرک پاور ریگولیٹری اتھارٹی نے مارچ کی فیول پرائس ایڈجسٹمنٹ کے تحت بجلی کی قیمت میں فی یونٹ 1پیسہ کمی کا نوٹیفکیشن جاری کر دیا ہے۔ نوٹیفکیشن کے مطابق صارفین کو ایک پیسے فی یونٹ کا ریلیف مئی کے بلوں میں ملے گا۔

سینٹرل پاور پرچیزنگ ایجنسی نے مارچ کی ایڈجسٹمنٹ کے تحت فی یونٹ 27پیسے اضافے کی درخواست کی تھی۔ دوسری جانب اوگرا نے ماہ مئی کیلئے ایل پی جی کے سرکاری نرخ کا نوٹیفکیشن جاری کر دیا۔ اوگرا کی جانب سے جاری نوٹیفکیشن کے مطابق ایل پی جی کی فی کلو قیمت 303 روپے 81 پیسے مقرر کی گئی ہے۔

(جاری ہے)

گھریلو سلنڈر کی قیمت میں 3 روپے 69 پیسے کمی کر دی گئی، ایل پی جی کی فی کلو قیمت میں 31 پیسے کمی ہوگئی۔

مئی کے لیے گھریلو سلنڈر کی قیمت 3584 روپے 90 پیسے مقرر کر دی گئی، اپریل میں گھریلو سلنڈر کی قیمت 3588 روپے 59 پیسے مقرر تھی۔ جبکہ واضح رہے کہ ملک کے کسی علاقے میں ایل پی جی سرکاری قیمت پر دستیاب نہیں ہے۔