اجمل خٹک کا پشتو ادب اور پختون سیاست میں انکا کردار ناقابل فراموش ہے،میاں افتخارحسین

جمعہ 7 فروری 2025 22:35

پشاور(اُردو پوائنٹ اخبارتازہ ترین - آن لائن۔ 07 فروری2025ء)صوبائی صدر میاں افتخار حسین کا اے این پی کوہاٹ کے زیراہتمام تقریب میں عوامی نیشنل پارٹی کے سابق مرکزی صدر اور پشتو مزاحمتی ادب کی علامت اجمل خٹک کو پندرہویں برسی پر خراج عقیدت پیش کیا ہے،میاں افتخار حسین نے کہا کہ اجمل خٹک ایک عہد ساز شخصیت تھے،پشتو ادب اور پختون سیاست میں انکا کردار ناقابل فراموش ہے ، انہوں نے اپنی پوری زندگی مظلوم اور محکوم طبقات کے حقوق کے لیے وقف کی تھی،وہ باچا خان کے نظریات کے ایک سچے پیروکاراور ولی خان کے قریبی ساتھیوں میں ایک تھے، وہ نہ صرف ایک بہترین سیاستدان تھے بلکہ ایک عظیم انقلابی شاعر، دانشور اور مصنف بھی تھے،اجمل خٹک نے ہمیشہ اپنے قلم کے ذریعے قوم کے حقوق اور محرومیوں کیلئے آواز بلند کی،انہوں نیاپنی شاعری اور ادب کو وسیلہ بنا کر مزاحمت اور بیداری کی شمعیں روشن کی،عملی میدان میں بھی انہوں نے پشتونوں کے حقوق کے لیے ایک نہ ختم ہونے والی جدوجہد کی، وہ ہر اس قوت کے خلاف کھڑے رہے جو جبر، ناانصافی اور استحصال کو دوام بخشنا چاہتی تھی، ان کا قلم اور ان کی سیاست ہمیشہ محکوم اور مظلوم عوام کی آواز بنی رہی،ان کی زندگی مشکلات اور قربانیوں سے عبارت تھی، لیکن وہ کبھی اپنے نظریات سے پیچھے نہیں ہٹے، انہوں نے جلاوطنی کاٹی، ریاستی جبر کا سامنا کیا، مگر اپنے اصولوں پر سمجھوتہ نہیں کیا،ان کی شاعری اور ان کے خیالات آج بھی ہمارے لیے مشعلِ راہ ہیں،پندرہویں برسی پر اجمل خٹک کی قربانیوں، خدمات اور جدوجہد کو خراجِ عقیدت پیش کرتے ہیں۔