سلو بھائی آئندہ فلم ’’سکندر ‘‘میں نظر آئیں گے جو عیدالفطر پر ریلیز ہوگی

ہفتہ 15 فروری 2025 12:51

سلو بھائی آئندہ فلم ’’سکندر ‘‘میں نظر آئیں گے جو عیدالفطر پر ریلیز ..
ممبئی (اُردو پوائنٹ اخبارتازہ ترین - این این آئی۔ 15 فروری2025ء)بالی ووڈ سپر اسٹار سلمان خان نے ویلنٹائن ڈے کے موقع پر اپنے سوشل میڈیا پر مداحوں کو ہیپی فیملیٹائنز ڈے وش کیا۔ ایک دلکش اور خوبصورت پوسٹ میں سلمان خان نے اپنے خاندان کی ایک تصویر کے ساتھ ایک منفرد کیپشن شیئر کرتے ہوئے لکھا: اگنی ہوترینز، شرمانینز اور خانینیز کو فیملیٹائنز ڈے پر نیک تمنائیں۔

(جاری ہے)

سلمان خان کی جانب سے فیملیٹائنز کی اصطلاح کا انتخاب ویلنٹائن ڈے سے وابستہ محبت کے روایتی جشن کیلیے ایک تازگی بخش اصطلاح ہے۔اس پوسٹ نے مداحوں اور میڈیا کی طرف سے یکساں طور پر بڑے پیمانے پر توجہ حاصل کی، بہت سے لوگوں نے سلمان خان کے محبت پھیلانے کے اس اقدام کو سراہا جو رومانوی تعلقات سے بالاتر ہے۔جہاں تک پروفیشنل کاموں کا تعلق ہے تو سلو بھائی آئندہ فلم ’’سکندر ‘‘میں نظر آئیں گے جو کہ عیدالفطر پر ریلیز ہوگی۔ اے آر مروگادوس کی ہدایتکاری اور ساجد ناڈیاوالا کی پروڈیوس کردہ اس فلم میں سلمان کے ساتھ رشمیکا مندانا مرکزی رول میں ہوں گی۔