اڈیالہ جیل کے گیٹ پر فواد چوہدری اور شعیب شاہین کے درمیان تلخ کلامی، ہاتھا پائی اورگالم کلوچ

جھگڑے کے دوران فواد چوہدری نے شعیب شاہین کو تھپرماردیا جس سے وہ زمین پر گرگئے انہیں بازو پر چوٹ آئی، دونوں نے ایک دوسرے کو غداربھی کہا

فیصل علوی ہفتہ 15 فروری 2025 13:19

اڈیالہ جیل کے گیٹ پر فواد چوہدری اور شعیب شاہین کے درمیان تلخ کلامی، ..

راولپنڈی(اردوپوائنٹ اخبار تازہ ترین۔15فروری 2025ء) راولپنڈی کی اڈیالہ جیل کے گیٹ نمبر5کے باہر سابق وفاقی وزیر فواد چوہدری اور پاکستان تحریک انصاف کے رہنماء بیرسٹر شعیب شاہین کے درمیان تلخ کلامی ہوگئی جس دوران دونوں کے درمیان ہاتھا پائی بھی ہوئی،اس موقع پر دونوں کے درمیان گالم کلوچ بھی ہوئی،ایک دوسرے کو ٹاوٹ غدار تک کہہ دیا، فواد چوہدری نے شعیب شاہین سے کہا تم ٹاوٹ ہوجس پر شعیب شاہین نے فواد چوہدری سے کہا اپنے کام سے کام رکھو۔

اس موقع پر فواد چوہدری نے شعیب شاہین کو تھپڑ مار دیاجس کے باعث شعیب شاہین زمین پرگر گئے اور گرنے کے باعث انہیں بازو پر چوٹ آئی۔جھگڑے کے دوران دونوں رہنماﺅں نے ایک دوسرے کو گالیاں بھی نکالیں اس موقع پرجیل عملے نے فورامداخلت کرتے ہوئے دونوں کو ایک دوسرے سے الگ کیا۔

(جاری ہے)

شعیب شاہین سے جھگڑے کے بعدسابق وفاقی فواد چوہدری اڈیالہ جیل کے اندر چلے گئے۔

بعدازاں پاکستان تحریک انصاف کے رہنماءاور بانی پی ٹی آئی کے وکیل شعیب شاہین کو بھی سپرنٹنڈنٹ اڈیالا جیل نے جیل کے اندر بلالیا۔ شعیب شاہین فواد چوہدری سے مار کھانے والے تیسرے رہنماءہیں۔ اس سے قبل بھی فواد چوہدری کا اینکر پرسن مبشر لقمان اور سمیع ابراہیم کے ساتھ بھی جھگڑا ہو چکا تھا۔ خیال رہے کہ اس سے قبل سابق وفاقی وزیر فواد چوہدری نے ٹی وی اینکرمبشرلقمان کوشادی کی تقریب کے دوران تھپڑماراتھا ۔

ٹی وی اینکر کو تھپڑا مارنے کے بعد دونوں ایک دوسرے سے گتھم گتھا ہو گئے تھے۔اس موقع پرتقریب میں موجود دیگر شخصیات نے دونوں کے درمیان بیچ بچاو کرایا تھا۔ یہ بھی بتایا گیا تھا کہ جہانگیر ترین، اسحاق خاکوانی اور فواد چوہدری محسن لغاری کے بیٹے کی دعوت ولیمہ میںشرکت کے موقع پر آپس میں بات چیت کر رہے تھے کہ ٹی وی اینکر مبشرلقمان کے آتے ہی فواد چوہدری کا ان سے جھگڑا ہو گیا تھا۔ ٹی وی اینکر نے حریم شاہ سے متعلق فواد چوہدری پر الزام لگایا تھا جس کے بعد دونوں کے درمیان سخت جملوں کا تبادلہ ہوا تھا او فوا د چوہدری نے اینکر کو تھپڑمار دیا تھا۔