ٹک ٹاکر سیما گل کی پوسٹ مارٹم رپورٹ تیار

سیما گل المعروف سائیکو ارباب 7فروری کو اپنے کمرے میں مردہ پائی گئی تھیں

بدھ 19 فروری 2025 11:40

پشاور(اُردو پوائنٹ اخبارتازہ ترین - این این آئی۔ 19 فروری2025ء)پشاور کی معروف ٹک ٹاکر سیما گل المعروف سائیکو ارباب کی پوسٹ مارٹم رپورٹ تیار کرلی گئی۔پوسٹ مارٹم رپورٹ کے مطابق سیما گل کی موت 6 اقسام کی نشہ آور گولیاں کھانے سے ہوئی جبکہ خاتون کے ساتھ جنسی زیادتی کے کوئی شواہد نہیں ملے۔

(جاری ہے)

پولیس کے مطابق سیما گل المعروف سائیکو ارباب 7فروری کو اپنے کمرے میں مردہ پائی گئی تھیں۔پولیس کے مطابق ابتدائی تفتیش سے معلوم ہوا تھا کہ ورسک روڈ پر واقع ارباب فلیٹس کی رہائشی ٹک ٹاکر کی موت زائد مقدار میں نشہ آور گولیاں کھانے سے ہوئی، پولیس نے ٹک ٹاکر کے بھائی کی مدعیت میں مقدمہ درج کر کے تفتیش شروع کردی تھی۔