سلمان خان نے نئی فلم سے اپنی پہلی جھلک شیئر کردی

مداح اب اس فلم کی ریلیز کا بے صبری سے انتظار کر رہے ہیں

بدھ 19 فروری 2025 11:52

سلمان خان نے نئی فلم سے اپنی پہلی جھلک شیئر کردی

ممبئی (اُردو پوائنٹ اخبارتازہ ترین - این این آئی۔ 19 فروری2025ء)بالی ووڈ کے دبنگ اداکار سلمان خان کی نئی فلم سکندر کا پہلا پوسٹر شیئر کردیا گیا۔پروڈکشن ہائوس کی جانب سے سوشل میڈیا پر شیئر کیے گئے پوسٹر پر سلمان خان کی تصویر دیکھی جاسکتی ہے جس کے ساتھ فلم کی ریلیز کا اعلان بھی کیا گیا ہے۔

(جاری ہے)

پوسٹ کے کیپشن میں بتایا گیا ہے کہ سکندر 28 مارچ 2025 کو عید الفطر کے موقع پر سنیما گھروں کی زینت بنے گی۔

یہ پوسٹر ساجد نادیہ والا کی سالگرہ کے موقع پر بطور تحفہ شیئر کیا گیا ہے جس کو مداحوں کی جانب سے بیحد پسند کیا جارہا ہے اور مداح اب اس فلم کی ریلیز کا بیصبری سے انتظار کر رہے ہیں۔سکندر میں سلمان خان کے ساتھ ساتھ انڈین فلموں کی سپر اسٹار رشمیکا مندانا، کاجل اگروال، ستیہ راج، شرمن جوشی اور پرتیک ببر بھی شامل ہوں گے جو اداکاری کے جوہر دکھائیں گے۔