رمضان المبارک میں فی کلو چینی پر 20 روپے سبسڈی دینے پر اتفاق

وزارت صنعت و پیداوار سبسڈائزڈ چینی کی سمری منظوری کیلئے بھجوائے گی، چینی فی کلو 130 روپے میں دی جائیگی

جمعرات 20 فروری 2025 21:15

رمضان المبارک میں فی کلو چینی پر 20 روپے سبسڈی دینے پر اتفاق

اسلام آباد/لاہور(اُردو پوائنٹ اخبارتازہ ترین - این این آئی۔ 20 فروری2025ء) رمضان المبارک میں فی کلو چینی پر 20 روپے پر سبسڈی دینے پر اتفاق ہو گیا۔چاروں صوبوں اور شوگر ملز مالکان میں سبسڈائز چینی بارے اجلاس ہوا، اجلاس کے اعلامیہ کے مطابق رمضان المبارک میں فی کلو چینی پر 20 روپے چینی پر سبسڈی ہوگی۔وزارت صنعت و پیداوار سبسڈائزڈ چینی کی سمری حتمی منظوری کے لئے فوڈ سکیورٹی کو بھجوائے گی، چینی فی کلو 130 روپے میں دی جائے گی ،کین کمشنر نگرانی کریں گے ، حکومت پاکستان نے چاروں صوبوں میں چینی 130 روپے فی کلو دینے کا اصولی فیصلہ کیا۔

وزارت صنعت و پیداوار نے چاروں صوبوں کے چیف سیکرٹریز کو اجلاس کا اعلامیہ جاری کر دیا، پاکستان شوگر ملز ایسوسی ایشن کو چینی فی کلو 130روپے کا مراسلہ جاری کر دیا گیا۔

(جاری ہے)

وزارت صنعت و پیداوار کے مطابق رمضان المبارک میں چینی سستے ماڈل بازاروں میں فروخت کی جائے گی، سبسڈائزڈ چینی میگا، بڑے، چھوٹے سٹورز پر ڈی سی کانٹر پر فراہم کی جائے گی۔رمضان المبارک میں ایک اور دو کلو چینی کے بیگز فروخت کئے جائیں گے، شناختی کارڈ پر فی شہری زیادہ سے زیادہ پانچ کلو چینی خرید سکے گا۔چاروں صوبوں میں چینی کی تقسیم کے فوکل پرسن کی ذمہ داری کین کمشنر کے سپرد کر دی گئی، سبسڈائزڈ چینی کی فروخت رمضان سے تین روز قبل شروع کی جائے گی اور 27 رمضان تک چینی کی فروخت جاری رکھی جائے گی۔