نیوزی لینڈ کیخلاف میچ میں انجرڈ ہونے پر فخر زمان ڈریسنگ روم میں پھوٹ پھوٹ کر رو پڑے

ویڈیو نیوزی لینڈ کیخلاف آؤٹ ہونے کے بعد ڈریسنگ روم کی ہے جبکہ شاہین آفریدی انہیں تسلی دے رہے ہیں

ذیشان مہتاب جمعہ 21 فروری 2025 10:51

نیوزی لینڈ کیخلاف میچ میں انجرڈ ہونے پر فخر زمان ڈریسنگ روم میں پھوٹ ..

لاہور (اردو پوائنٹ تازہ ترین اخبار ۔21 فروری 2025ء ) پاکستان کرکٹ بورڈ (پی سی بی) نے ویڈیو سوشل میڈیا پر شیئر کی جس میں اسٹار بیٹر فخر زمان کو ڈریسنگ روم میں جذبات پر قابو نہ رکھتے ہوئے روتے دیکھا جاسکتا ہے، مذکورہ ویڈیو نیوزی لینڈ کے خلاف آؤٹ ہونے کے بعد ڈریسنگ روم کی ہے جبکہ شاہین آفریدی انہیں تسلی دے رہے ہیں۔

واضح رہے کہ فخر زمان گزشتہ روز نیوزی لینڈ کے خلاف میچ میں شاہین کے پہلے ہی اوور میں فیلڈنگ کرتے ہوئے باؤنڈری لائن پر انجری کا شکار ہوئے اور میدان سے باہر چلے گئے تھے۔

فخر زمان نمبر چار پر بیٹنگ کے لیے میدان میں آئے لیکن شاٹ کھیلنے کے بعد انہیں تکلیف میں مبتلا دیکھا گیا، فخر زمان کی جگہ اوپنر بیٹر امام الحق چیمپئنز ٹرافی کی بقیہ میچ میں اوپننگ کریں گے۔

(جاری ہے)

علاوہ ازیں نجی ٹی وی سے گفتگو کرتے ہوئے محمد عامر نے بتایا کہ فخر زمان سے دوستی ہے آئی ایل ٹی 20 میں اہم ڈیرھ ماہ تک ساتھ تھے، ان کی انجری کا کلیئر نہیں ہورہا تھا تو میں نے فون کرکے ان سے خیریت دریافت کی۔

محمد عامر کا کہنا ہے کہ فخر سے پوچھا کہ مسئلہ کیا ہے گھٹنے کا ہے یا پھر کمر میں تکلیف ہے۔ فاسٹ بولر کے مطابق فخر نے کہا کہ سائیڈ اسٹرین انجری ہے اس کا مطلب یہ ہے کہ فخر دو ماہ کے لیے کرکٹ سے دور ہوگئے وہ فٹ ہوئے بھی تو پی ایس ایل کے آخر میں ہوں گے۔

انہوں نے بتایا کہ فخر سے صبح بات ہوئی تو اس نے بتایا کہ ہلکی کی کھانسی بھی آرہی ہے تو درد ہورہا ہے، سانس لینے میں بھی مشکل پیش آرہی ہے۔ محمد عامر نے کہا کہ چھ ہفتے تو انجری ٹھیک ہونے میں لگتے ہیں اس کے بعد ری ہیب شروع ہوتا ہے۔