انگلینڈ اوربھارت کی کرکٹ ٹیموں کے درمیان پانچواں اور آخری میچ 31 جولائی سے شروع ہوگا، انگلینڈ کو سیریز میں 1-2 کی برتری حاصل

پیر 28 جولائی 2025 17:24

لندن (اُردو پوائنٹ اخبارتازہ ترین - اے پی پی۔ 28 جولائی2025ء) انگلینڈ اور بھارت کی کرکٹ ٹیموں کے درمیان پانچ ٹیسٹ میچوں پر مشتمل سیریز کا پانچواں اور آخری میچ 31 جولائی سے 4 اگست تک کیننگٹن اوول، لندن میں کھیلا جائے گا،میزبان انگلینڈ کی ٹیم کو مہمان بھارتی ٹیم کے خلاف پانچ میچوں کی ٹیسٹ سیریز میں 1-2 کی برتری حاصل ہے۔آئی سی سی ورلڈ ٹیسٹ چیمپئن شپ کا حصہ پانچ ٹیسٹ میچوں کی سیریز کے لیڈز میں کھیلے گئے پہلے ٹیسٹ میچ میں انگلینڈ نے بھارت کو 5 وکٹوں سے شکست دی تھی ۔

برمنگھم میں کھیلے گئے دوسرے ٹیسٹ میچ میں مہمان بھارتی ٹیم نے جاندار کم بیک کرتے ہوئے میزبان انگلینڈ کی ٹیم کو 336 رنز سے شکست دے کر سیریز1-1 سے برابر کر دی تھی ،اس کے بعد لندن (لارڈز )میں کھیلے گئے تیسرے ٹیسٹ میچ میں انگلینڈ کی ٹیم نے ایک مرتبہ پھر بھارتی ٹیم کو 22 رنز سے شکست دے کر سیریز میں 1-2 کی برتری قائم کرلی تھی ،تاہم دونوں ٹیموں کے درمیان ایمریٹس اولڈ ٹریفورڈ، مانچسٹرمیں کھیلا گیا چوتھا ٹیسٹ میچ ہار جیت کی فیصلے کے بغیر ہی ختم ہوگیا تھا۔

(جاری ہے)

انگلینڈ اینڈ ویلز کرکٹ بورڈ (ای سی بی )کے مطابق مہمان بھارتی ٹیم اپنے دورے کے دوران میزبان انگلینڈٹیم کے خلاف 5ٹیسٹ میچوں کی سیریز کھیلے گی جس کے تین میچز کھیلے جا چکے ہیں۔ 5 ٹیسٹ میچوں کی سیریز میں بھارت کی کرکٹ ٹیم کو بلے باز شبھمن گل لیڈ کریں گے جبکہ انگلینڈ کی ٹیم کو مایہ ناز آل رائونڈر بین سٹوکس لیڈ کر یں گے۔دونوں ٹیموں کے درمیان پانچواں اور آخری ٹیسٹ میچ 31 جولائی سے 4 اگست تک کیننگٹن اوول، لندن میں کھیلا جائے گا۔\932