سانگلہ ہل، سنوکر کلب اور ویڈیو گیمز جوئے کے اڈوں میں تبدیل نوجوانوں نسل تباہ ہونے لگی

ایس ایچ او سٹی اور حکومتی ادارے منتھلیاں وصول کر کے سب ٹھیک کی رپورٹ ارسال کرنے لگے، اعلی حکام سے نوٹس کا مطالبہ

بدھ 5 مارچ 2025 12:52

ننکانہ صاحب(اُردو پوائنٹ اخبارتازہ ترین - این این آئی۔ 05 مارچ2025ء)سانگلہ ہل سنوکر کلب اور ویڈیو گیمزجوئے کے اڈوں میں تبدیل نوجوانوں نسل تباہی کے دہانے پر ایس ایچ او سٹی اور حکومتی ادارے منتھلیاں وصول کر کے سب ٹھیک کی رپورٹ ارسال کرنے لگے شہریوں کا اعلی حکام سے نوٹس لینے کا مطالبہ۔

(جاری ہے)

تفصیل کے مطابق سانگلہ ہل سٹی حدود میں محلہ احمد آباد،چہور سکھاں، سمن آباد،پرانا چہور،بھلیر روڈ اور سٹی کے مختلف علاقوں میں جگہ جگہ قائم سنوکر کلب اور ویڈیو گیمزجوئے کے اڈوں میں تبدیل ہوگئے نوجوان نسل کا مسقبل تباہی کے دہانے پر پہنچ گیا سکولوں اور کالجوں میں طلبا کی حاضریاں نہ ہونے کے برابر ہوتی جارہی ہیں ان جوں کے اڈوں کی وجہ سے والدین پریشان دکھائی دے رہے ہیں یہاں تک کہ رات گئے تک یہ سنوکر کلب اور ویڈیو گیمزکھلے رہتے ہیں اور ایس ایچ او اور حکومتی ادارے منتھلیاں وصول کر کے سب ٹھیک کی رپورٹ ارسال کر رہے ہیں ان ویڈیو گیمز، بلیڈ اور سنوکر کلبوں میں منشیات فروشی بھی کی جا رہی ہے اور زہر بیچنے والوں نے ان اڈوں کو اپنی جائے پناہ بنا لیا ہے اکثر والدین نے یہ بات بھی ظاہر کی ہے کہ ہمارے بچے فیس کے پیسوں کو بھی ان جوں کے اڈوں کی نظر کر جاتے ہیں اور اسی وجہ سے وہ تعلیم جیسی نعمت سے بھی محروم ہوتے جا رہے ہیں انہیں سنوکر کلبوں اور ویڈیو گیمزکی وجہ سے نوجوانوں کا مستقبل تباہ و برباد ہوتا جا رہا ہیاگر یہ ہی صورتحال رہی تو وہ دن دور نہیں جب تھانہ سٹی حدود میں جرائم کی شرح سو فیصد سے بھی تجاوز کر جائے گی اس بگڑتی ہوئی صورتحال کے پیش نظر عوامی و سماجی حلقوں نے اعلی حکام سے نوٹس لینیکا مطالبہ کیا ہے۔