صدر مملکت آصف علی زرداری کا سابق چیئرمین جوائنٹ چیفس آف سٹاف کمیٹی و سابق نیول چیف ایڈمرل (ر) افتخار احمد سروہی کے انتقال پر اظہار تعزیت

جمعرات 6 مارچ 2025 21:00

اسلام آباد (اُردو پوائنٹ اخبارتازہ ترین - اے پی پی۔ 06 مارچ2025ء) صدر مملکت آصف علی زرداری نے سابق چیئرمین جوائنٹ چیفس آف سٹاف کمیٹی اور سابق نیول چیف ایڈمرل (ر) افتخار احمد سروہی کے انتقال پر گہرے دکھ اور افسوس کا اظہار کیا ہے۔

(جاری ہے)

جمعرات کو ایوانِ صدر کے پریس ونگ کے مطابق صدر مملکت نے مرحوم افتخار احمد سروہی کے انتقال پر لواحقین کے ساتھ اظہار تعزیت کرتے ہوئے ملک کے دفاع کیلئے مرحوم کی خدمات کو سراہا۔ صدر مملکت نے سابق نیول چیف کیلئے دعائے مغفرت اور اہلخانہ کیلئے صبر جمیل کی دعا کی۔