Live Updates

90 کی دہائی کے سابق کرکٹر نے میرا کیرئیر تباہ کرنے کی بھرپور کوشش کی

پاکستان کے سابق لیفٹ آرم پیسر محمد عامر نے وقت سے پہلے ہی ریٹائرمنٹ کی وجہ بتادی

پیر 10 مارچ 2025 15:16

کراچی (اُردو پوائنٹ اخبارتازہ ترین - این این آئی۔ 10 مارچ2025ء)پاکستان کے سابق لیفٹ آرم پیسرمحمد عامر نے وقت سے پہلے ہی کیوں ریٹائرمنٹ لے لی، سابق کرکٹر نے اس حوالے خود بڑا انکشاف کردیا۔چیمپئنز ٹرافی کے حوالے نجی ٹی وی کے پروگرام میں شریک محمد عامر نے اظہار خیال کرتے ہوئے ماضی کے حوالے سے بتایا کہ ان کے ساتھ کس طرح ناانصافیاں ہوئیں، انھوں نے بتایا کہ پاکستان ٹیم نے نیوزی لینڈ جانا تھا، کوویڈ کا وقت تھا، 40 لڑکے گئے تھے میرا نام نہیں آیا تھا۔

محمد عامر نے بتایا کہ پی ایس ایل ابھی اسٹارٹ ہونی تھی ٹیم کا انھوں نے پہلے ہی اعلان کردیا تھا کہ کہیں عامر اور ملک وغیرہ پرفارم نہ کردیں اور انھیں لے کر نہ جانا پڑے۔سابق کرکٹر محمد عامر نے نام لیے سابق ہیڈ کوچ وقار یونس کو من مانیاں کرنے پر تنقید کا نشانہ بنایا، ان کا یہ بھی ماننا تھا کہ 90 کی دہائی کے سابق کرکٹر نے انکا کیرئیر تباہ کرنے کی بھرپور کوشش کی۔

(جاری ہے)

لیفٹ آرم پیسر نے کہا کہ اس سال میں نے کراچی کنگز کیلیے سپر اوور کیا اور کراچی کی ٹیم فائنل میں بھی پہنچ گئی۔محمد عامر نے کہا کہ کوچنگ اسٹاف میں سے ایک کا تعلق بھی 90 کی دہائی سے تھا، ہر کوئی اِن صاحب سے پوچھ رہا تھا کہ آپ عامر کو نیوزی لینڈ نہیں لے جارہے، وہ 40 رکنی اسکواڈ میں نہیں ہے، وہ پرفارم کر رہا ہے۔سابق کوچ نے ٹالنے کے لیے کہا کہ وہ ہمارے پلان میں ہے لیکن اسے ابھی تھوڑا ٹائٹ رکھنا ہے، اسے بعد میں دیکھیں گے۔