پاکستان مسلم لیگ(ن) بلوچستان کے پارلیمانی گروپ کی کمیٹی تشکیل

پیر 10 مارچ 2025 19:40

کوئٹہ (اُردو پوائنٹ اخبارتازہ ترین - اے پی پی۔ 10 مارچ2025ء) بلوچستان میں پاکستان مسلم لیگ(ن) کو مزید مضبوط بنانے کے لیے پاکستان مسلم لیگ(ن) بلوچستان کے پارلیمانی گروپ کی ایک کمیٹی تشکیل دی گئی اس کمیٹی کا پہلا اجلاس کمیٹی کے سربراہ و صوبائی وزیر مواصلات ،تعمیرات میر سلیم احمد کھوسہ کی سربراہی میں منعقد ہوا ،اجلاس میں صوبائی وزیر عبد الرحمٰن کھیتران، صوبائی وزیر عاصم کرد گیلو، صوبائی وزیر میر شعیب نوشیروانی اور صوبائی وزیر حاجی نور محمد دمڑ نے شرکت کی ۔

(جاری ہے)

اجلاس میں پارلیمانی رہنمائوں نے صوبے میں پارٹی کی کارکردگی ، ورکرز کے مسا ئل اور صوبے کی سیاسی صورتحال کا جائزہ لیا ،پارٹی نے یہ فیصلہ بھی کیا کہ صوبے میں پاکستان مسلم لیگ(ن) کو مزید مضبوط بنانے کے لیے اقدامات کیے جائیں گے ، واضح رہے کہ گورنر بلوچستان شیخ جعفر خان مندوخیل کے احکامات کی روشنی میں پارلیمانی کمیٹی تشکیل دی گئی ہے ،کمیٹی پارٹی کے پارلیمانی اراکین کے معاملات اور ور کرزکے مسائل حل کرنے کے لیے اپنا بھرپور کردار ادا کرے گی ، کمیٹی عبد الرحمٰن کھیتران ،میر عاصم کرد گیلو، حاجی نور محمد دمڑ اور میر شعیب نوشیروانی پر مشتمل ہے۔