اداکارہ نمرہ خان نے اپنی دوسری شادی کا عندیہ دیدیا

نمرہ خان کی پہلی شادی کورونا لاک ڈاون کے دوران 2020میں ہوئی تھی اور ایک سال بعد طلاق ہوگئی تھی

منگل 11 مارچ 2025 13:19

اداکارہ نمرہ خان نے اپنی دوسری شادی کا عندیہ دیدیا

کراچی (اُردو پوائنٹ اخبارتازہ ترین - این این آئی۔ 11 مارچ2025ء)ابھرتی ہوئی اداکارہ نمرہ خان نے سوشل میڈیا پر مداحوں کے سوالات کے جوابات دیتے ہوئے اپنی دوسری شادی کا عندیہ دیدیا۔نمرہ خان نے بہترین اداکاری سے شوبز کی دنیا میں جگہ بنالی ہے اور سوشل میڈیا پلیٹ فارمز پر اپنے مداحوں سے بھی ہمہ وقت رابطے میں رہتی ہیں۔یہی وجہ ہے کہ ان کی زندگی کا صفحہ کسی سے چھپا ہوا نہیں ہے۔

جب انھوں نے لاک ڈان کے دوران خاموشی سے نکاح کیا تھا تب بھی مداحوں کو یہ خوشخبری خود سنائی تھی۔

(جاری ہے)

اپریل 2020میں ہونے والی یہ شادی زیادہ عرصے نہیں چل سکی اور ایک سال بعد ہی جوڑے کے درمیان طلاق ہوگئی تھی۔تاہم اب انسٹاگرام پر مداح کے ایک سوال کے جواب میں نمرہ خان نے جلد دوسری شادی کا عندیہ دیا ہے۔نمرہ خان نے کے اس اعلان کے بعد سوشل میڈیا صارفین نے سوالات کی بوچھاڑ کردی اور اکثریت نے دلہا سے متعلق جاننا چاہا۔لگتا ہے نمرہ خان ابھی دلہا کے معاملے میں سسپنس برقرار رکھنا چاہتی ہیں اس لیے ان سوالات کو نظر انداز کرگئیں۔تو نمرہ خان کس سے شادی کرنے جا رہی ہیں اس کے لیے ان کے مداحوں کو انتظار کرنا ہوگا۔