اسٹارلنک انٹرنیٹ سروسز، امبانی کا ایلون مسک سے معاہدے کا اعلان

بدھ 12 مارچ 2025 17:03

نئی دہلی(اُردو پوائنٹ اخبارتازہ ترین - این این آئی۔ 12 مارچ2025ء)بھارتی ٹیلی کام کمپنی نے اسٹار لنک انٹرنیٹ سروسز کیلئے ایلون مسک کی اسپیس ایکس سے معاہدے کااعلان کیاہے۔غیر ملکی خبر ایجنسی کے مطابق بھارتی تاجر مکیش امبانی کی ٹیلی کام کمپنی نے اسٹار لنک کی انٹرنیٹ سروسز حاصل کرنے کیلئے ایلون مسک کی اسپیس ایکس کے ساتھ معاہدے کا اعلان کیا ہے۔

(جاری ہے)

بھارتی ٹیلی کام کمپنی کے بیان میں کہا گیا کہ یہ بھارت میں ہونے والا پہلا معاہدہ ہے تاہم اسپیس ایکس کو بھارت میں آپریشنز کا آغاز کرنے کیلئے حکومت کی منظوری درکار ہو گی۔میڈیا کی رپورٹس کے مطابق معاہدے کے تحت امریکی سیٹلائٹ انٹرنیٹ کمپنی بھارتی ٹیلی کام کمپنی کے ریٹیل اسٹور نیٹ ورک کو اپنی ڈیوائسز تقسیم کرنے کیلئے استعمال کر سکے گی۔