پاکستان میں صارفین کے اعتماد میں نمایاں بہتری ہوئی ہے،سروے

جمعرات 13 مارچ 2025 11:30

اسلام آباد (اُردو پوائنٹ اخبارتازہ ترین - اے پی پی۔ 13 مارچ2025ء) مارکیٹ ریسرچ اینڈ پبلک اوپینیئن سپیشلسٹ کمپنی آئی پی ایس او ایس پاکستان کنزیومرکانفیڈنس سروے کے مطابق پاکستان میں صارفین کے اعتماد میں نمایاں بہتری ہوئی ہے۔ کنزیومرکانفیڈنس کے حوالے سے پاکستان ترکیہ سے بہتر پوزیشن میں ہے۔

(جاری ہے)

آئی پی ایس اوایس پاکستان کی جانب سے وزیراعظم محمد شہباز شریف کی قیادت میں وفاقی حکومت کی ایک سالہ کارکردگی کے حوالے سے سروے کے نتائج کے مطابق قومی معیشت کے تمام اہم شعبوں میں بہتری ریکارڈ کی گئی ہےجن میں اقتصادیات ، گھریلو ضروریات کی خریداری میں سہولت اورسرمایہ کاری میں اعتماد سمیت مختلف شعبوں میں گزشتہ سال کے مقابلے میں بہتری ریکارڈ کی گئی ہے جبکہ بعض شعبوں میں کارکردگی میں نمایاں اضافہ ہوا ہے تاہم ان تمام مثبت رجحانات کے باوجود صارفین کا مجموعی اعشاریہ اقتصادی استحکام اور گورننس کے حوالے سے بعض خدشات کی عکاسی کرتا ہے۔

آئی پی ایس اوایس پاکستان نے رپورٹ میں کہا ہے کہ صارفین کے اعتماد کے اعشاریہ کے حوالے سے پاکستان کا نمبر چین اور بھارت کے بعد آتا ہے تاہم پاکستان کنزیومر کانفیڈنس انڈیکس میں ترکیہ سے آگے ہے جو موجودہ حکومت کی ایک سالہ کارکردگی کے مثبت رجحانات کا عکاس ہے۔