اتھیا شیٹی نے کے ایل راہول کے ہمراہ نئی تصاویر شیئر کر دیں

جمعہ 14 مارچ 2025 12:20

ممبئی (اُردو پوائنٹ اخبارتازہ ترین - این این آئی۔ 14 مارچ2025ء)بالی ووڈ انڈسٹری کے معروف اداکار سنیل شیٹی کی بیٹی، اداکارہ و ماڈل اتھیا شیٹی نے شوہر، کرکٹر کے ایل راہول کے ہمراہ نئی تصاویر شیئر کی ہیں۔یاد رہے کہ اداکارہ اتھیا شیٹی اور بھارتی کرکٹر کنور لوکیش راہول اپنے یہاں جلد ننھے مہمان کو خوش آمدید کہنے والے ہیں۔اتھیا شیٹی نے کے ایل راہول کے ہمراہ اپنا خوبصورت میٹرنٹی فوٹو شوٹ کروایا ہے۔

میٹرنٹی فوٹو شوٹ میں کے ایل راہول اور اتھیا شیٹی کو خوش گوار موڈ میں دیکھا جا سکتا ہے۔

(جاری ہے)

اتھیا شیٹی کی نئی پوسٹ کے کمنٹ باکس میں بالی ووڈ انڈسٹری سمیت اس جوڑی کے مداح اپنی پسندیدہ جوڑے کے ہاں ننھے مہمان کی آمد سے متعلق پرجوش نظر آ رہے ہیں۔اس سے قبل 63 سالہ بھارتی اداکار سنیل شیٹی نے ایک انٹرویو میں کہا تھا کہ میری بیٹی اتھیا شیٹی کے ہاں بچے کی پیدائش اپریل میں متوقع ہے۔سنیل شیٹی نے کہا تھا کہ گھر پر کھانے کی میز پر آنے والے نواسے کے علاوہ کوئی اور بات چیت نہیں ہو رہی اور ہم کوئی اور بات چیت چاہتے بھی نہیں ہیں، ہم اپریل میں بچے سے ملنے کے لیے بے صبری سے انتظار کر رہے ہیں۔یاد رہے کہ اداکارہ اتھیا شیٹی کی کرکٹر کے ایل راہول کے ساتھ 2023 میں شادی ہوئی تھی۔