پنجاب یونیورسٹی شعبہ تاریخ کے زیر اہتمام ’’سول سروسز کے امتحان ‘‘ پر سیمینار

جمعہ 14 مارچ 2025 17:42

لاہور(اُردو پوائنٹ اخبارتازہ ترین - این این آئی۔ 14 مارچ2025ء)پنجاب یونیورسٹی شعبہ تاریخ ومطالعہ پاکستان کے زیر اہتمام ’’سول سروسز کے امتحان‘‘پرخصوصی سیمینار کا انعقاد کیا گیاجس میں چیئرمین پروفیسر ڈاکٹر محبوب حسین، ڈائریکٹر(جنرل)کالجز،پنجاب ڈاکٹر احتشام جان بٹ، فیکلٹی ممبران، طلبائوطالبات اور سول سروس کے خواہشمندوں نے شرکت کی۔

(جاری ہے)

اپنے خطاب میں ڈاکٹر احتشام بٹ نے سول سروسز امتحان کے ڈھانچے، تیاری کی حکمت عملی اور اہم چیلنجز پر روشنی ڈالی۔ انہوں نے کہا کہ سیمینار کا مقصد خواہشمند امیدواروں کو عملی رہنمائی اور حوصلہ افزائی سے آراستہ کرنا ہے تاکہ وہ ملک کے سب سے زیادہ مقابلہ جاتی امتحانات میں سبقت لے سکیں۔ انہوں نے امتحان میں کامیابی کے حصول کے لیے استقامت، تجزیاتی مہارت اور حکمت عملی کی تیاری پر سیر حاصل بات چیت کی۔ پروفیسرڈاکٹر محبوب حسین نے کہا کہ شعبہ تاریخ ومطالعہ پاکستان طلبا کو علم اور کیریئر کی رہنمائی کے لیے ایسے تعلیمی اقدامات کے انعقاد کے لیے پرعزم ہے۔