سعودی عرب کے بیشتر علاقوں میں پیر تک گرج چمک کے ساتھ بارش کا امکان

ہفتہ 15 مارچ 2025 16:22

ریاض(اُردو پوائنٹ اخبارتازہ ترین - این این آئی۔ 15 مارچ2025ء)سعودی عرب موسمیات کے قومی مرکز نے کہا ہے کہ مملکت کے بیشتر علاقوں میں پیر تک گرج چمک کے ساتھ بارش کا امکان ہے۔ عرب ٹی وی کے مطابق مکہ مکرمہ میں گرد آلود طوفان کے ساتھ ہلکی سے درمیانے درجے کی بارش کا امکان ہے۔ مکہ شہر، الجموم، الکامل، طائف، میسان، اضم، العرضیات، المویہ، الخرمہ، رنیہ اور تربہ شامل ہیں۔

(جاری ہے)

مدینہ منورہ میں العلا، العیص، بدر، مدینہ منورہ، خیبر، الحناکیہ، وادی الفرع اور المھد میں ہلکی سے درمیانی بارش کا امکان ہے۔قومی مرکز کا کہنا تھا تبوک کا علاقے تیما میں درمیانے درجے کی بارش اور تیز ہوائوں کا امکان ہے۔دارالحکومت ریاض، حائل، نجران، مشرقی ریجن، شمالی حدود ریجن، الجوف، الباحہ اور جازان کے علاقوں میں گرد آلود ہواں کے ساتھ ہلکی سے درمیانے درجے کی بارش متوقع ہے۔