انسٹاگرام پر لوگ شادی کے پیغامات بھیجتے ہیں، نوین نقوی

ہفتہ 15 مارچ 2025 22:35

لاہور(اُردو پوائنٹ اخبارتازہ ترین - آن لائن۔ 15 مارچ2025ء)سابق صحافی، ماڈل، ویڈیو جوکی (وی جی)اور اداکارہ نوین نقوی نے کہا ہے کہ جب سے لوگوں کو معلوم ہوا ہے کہ میں غیر شادی شدہ ہوں لوگ انسٹاگرام پر شادی کے پیغامات بھجوانے لگے ہیں۔اداکارہ نے حال ہی میں مزاحیہ پروگرام گپ شب میں شرکت کی، جہاں انہوں نے مختلف معاملات پر کھل کر بات کی۔اداکارہ نے بتایا کہ ان کا بچپن سعودی عرب میں گزرا، جس کے بعد وہ کچھ عرصے کے لیے پاکستان آئیں لیکن جلد ہی کینیڈا چلی گئیں اور پھر واپس پاکستان آئیں۔

اداکارہ کا کہنا تھا کہ انہوں نے متعدد ممالک میں زندگی گزاری لیکن ہر چند سال بعد وہ واپس پاکستان آجاتی تھیں۔نوین نقوی کا کہنا تھا کہ وہ پاکستان کی پہلی ریڈیو جوکی(آر جی)اور وی جے کا اعزاز رکھتی ہیں اور اسی زمانے میں انہوں نے ماڈلنگ بھی شروع کردی تھی۔

(جاری ہے)

ایک سوال کے جواب میں انہوں نے کہا کہ انہیں کبھی اس بات کا پچھتاوا نہیں ہوا کہ وہ کبھی کالج یا یونیورسٹی کیوں نہیں گئیں لیکن وہ تعلیم اور ڈگری کی اہمیت کو سمجھتی ہیں۔

انہوں نے بتایا کہ انہوں نے مختلف شعبوں میں کام کرکے اور مختلف ممالک میں زندگی گزار کر بہت کچھ سیکھا، اس لیے انہیں ڈگری کی ضرورت نہیں پڑی لیکن وہ دوسروں کو کبھی یہ مشورہ نہیں دیں گی کہ وہ ڈگری حاصل نہ کریں۔نوین نقوی کے مطابق انہوں نے صحافت کی تو انہیں ایسا لگا کہ انہیں ہمیشہ صحافت ہی کرتے رہنی چاہیے لیکن اب جب انہوں نے اداکاری شروع کی ہے تو انہیں لگتا ہے کہ ان کے لیے اداکاری بہتر ہے۔ایک سوال کے جواب میں انہوں نے کہا کہ جب وہ اسکول میں پڑھتی تھیں تب ان سے ٹیچر نے پوچھا کہ بڑے ہوکر کیا بننا ہے تو انہوں نے کہا تھا کہ وہ دلہن بنیں گی، انہیں بچپن سے کسی طرح کا کوئی نہیں تھا۔