عجمان میں صحافیوں کے اعزاز میں شاندار افطار ڈنر

افتخار ہمدانی کی میزبانی میں تقریب، پاکستانی کمیونٹی کی خدمات کو سراہا گیا

اعجاز احمد گوندل پیر 17 مارچ 2025 17:56

عجمان میں صحافیوں کے اعزاز میں شاندار افطار ڈنر

عجمان(اُردو پوائنٹ اخبارتازہ ترین۔ 17 مارچ 2025ء)معروف ہوٹل ایریا جنرل منیجر افتخار ہمدانی کی جانب سے صحافیوں کے اعزاز میں ایک شاندار افطار ڈنر کا اہتمام کیا گیا، جس میں پاکستانی کمیونٹی کے اہم شخصیات اور صحافیوں نے شرکت کی۔ افتخار ہمدانی، جو اپنی محبت، خدمت اور انسانیت دوستی کے لیے جانے جاتے ہیں، نے اس موقع پر کہا کہ متحدہ عرب امارات کے صدر شیخ محمد بن زاید النہیان نے 2025 کو "کمیونٹی کا سال" قرار دیا ہے، اور پاکستان کمیونٹی اس ترقی میں اہم کردار ادا کر رہی ہے۔

تقریب میں پریس قونصلر محمد صالح کی خصوصی شرکت، چوھدری خالد حسین، اشفاق احمد، زمرد بونیری، اعجاز احمد گوندل، حافظ زاھد علی، کاشان تمثیل ہاشمی، خالد ملک، خالد گوندل، ارشد رانا، طارق ندیم، محمد اشفاق، رضا عابدی، حافظ عبدالروف، امجد قاسمی، رئیس قریشی، ملک وحید بابر، سمیع اللہ احسان اور دیگر معززین نے شرکت کی۔

(جاری ہے)

اس موقع پر پریس قونصلر محمد صالح خاں کو گلدستہ بھی پیش کیا گیا۔

افتخار ہمدانی نے کہا کہ وہ اماراتی قیادت کے شکر گزار ہیں جنہوں نے پاکستانی کمیونٹی کو کاروبار اور ملازمت کے بہترین مواقع فراہم کیے۔ انہوں نے اعلان کیا کہ 23 مارچ کے حوالے سے ایک خصوصی تقریب کا انعقاد کیا جائے گا، جس میں مقامی اور پاکستانی فنکار لوک موسیقی پیش کریں گے۔ آخر میں پی جے ایف کے جنرل سیکرٹری حافظ زاہد علی نے تمام شرکاء کا شکریہ ادا کیا اور افتخار ہمدانی کی پاکستان اور پاکستانیوں کے لیے کی جانے والی کوششوں کو سراہا۔