کلکٹر کسٹمز انفورسمنٹ کوئٹہ عمر شفیق کو اسمگلنگ کے خلاف مو ثر کارروائیوں اور شاندار کارکردگی پر سنٹرل سلیکشن بورڈ نے بی ایس-20 میں ترقی دے دی ہے

پیر 17 مارچ 2025 22:05

کوئٹہ (اُردو پوائنٹ اخبارتازہ ترین - آن لائن۔ 17 مارچ2025ء) کلکٹر کسٹمز انفورسمنٹ کوئٹہ عمر شفیق کو اسمگلنگ کے خلاف مو ثر کارروائیوں اور شاندار کارکردگی پر سنٹرل سلیکشن بورڈ نے بی ایس-20 میں ترقی دے دی ہے۔

(جاری ہے)

واضح رہے کہ عمر شفیق کی قیادت میں اسمگلنگ کے خلاف بھرپور مہم کے دوران 6 ارب روپے سے زائد مالیت کی اسمگل شدہ اشیا ضبط کی گئیں جن میں نان کسٹم پیڈ (NCP) گاڑیاں، غیر ملکی کپڑا، چھالیا، ٹائر اور سگریٹ شامل ہیں۔

انہوں نے اپنی تعیناتی کے آغاز میں ہی اپنے ایک انسپکٹر کے خلاف ایف آئی آر درج کروا کر یہ واضح پیغام دیا کہ کسی بھی سطح پر اسمگلروں سے ملی بھگت برداشت نہیں کی جائے گی۔ ان کی سربراہی میں چلائی جانے والی اینٹی اسمگلنگ مہم نے نہ صرف اسمگلرز کو بھاری مالی نقصان پہنچایا بلکہ ضبط شدہ سامان کی نیلامی سے قومی خزانے کو بھی خاطر خواہ ریونیو حاصل ہوا۔