محکمہ موسمیات کا جمعہ سے کراچی میں درجہ حرارت میں مزید اضافے کا امکان

بدھ 19 مارچ 2025 17:29

کراچی(اُردو پوائنٹ اخبارتازہ ترین - این این آئی۔ 19 مارچ2025ء)محکمہ موسمیات نے جمعہ سے کراچی میں درجہ حرارت میں مزید اضافے کا امکان ظاہر کیاہے۔

(جاری ہے)

محکمہ موسمیات کے مطابق شہر میں درجہ حرارت37 سے 38 ڈگری سینٹی گریڈ تک رہنے کا امکان ہے، جمعہ سے شہر کا موسم گرم اور خشک رہنے کی توقع ہے۔دن میں شمال مغرب سے گرم اور خشک ہوائیں چل سکتی ہیں، شام میں سمندری ہوائیں بحال ہو سکتی ہیں۔کراچی میں 25 مارچ سے درجہ حرارت میں کمی آئے گی، عید کے دنوں میں درجہ حرارت 34 سے 36 ڈگری سینٹی گریڈ تک رہنے کا امکان ہے۔