شادی کے شروع میں سسر خرچہ دیتے اور حساب لیتے تھی: عائزہ خان

بدھ 19 مارچ 2025 22:41

لاہور(اُردو پوائنٹ اخبارتازہ ترین - آن لائن۔ 19 مارچ2025ء)پاکستان ڈرامہ انڈسٹری کی معروف سرِ فہرست اداکار عائزہ خان نے انکشاف کیا ہے کہ دانش تیمور سے شادی کے بعد وہ اپنے سسر سے خرچہ لیا کرتی تھیں۔عائزہ خان پاکستان ڈرامہ انڈسٹری کی ایک باصلاحیت اور خوبرو اداکارہ بلکہ کامیاب بیوی اور ماں بھی ہیں۔اداکارہ عائزہ خان کو یہ اعزاز حاصل ہے کہ انہیں سوشل میڈیا پر دیگر اداکاراں کے مقابلے میں سب سے کم ٹرول کیا اور تنقید کا نشانہ بنایا جاتا ہے۔

عائزہ خان کو ناصرف پاکستان بلکہ بھارت میں بھی یکساں شہرت حاصل ہے، انہیں متعدد بار بالی ووڈ انڈسٹری کی جانب سے فلمز کی آفرز بھی آ چکی ہیں۔عائزہ خان فلموں میں کام کرنے کی خواہاں نہیں ہیں، یہی وجہ ہے کہ کامیاب اداکارہ اور ماڈل ہونے کے باوجود انہوں نے خود کو صرف ڈرامہ انڈسٹری تک محدود کیا ہوا ہے۔

(جاری ہے)

عائزہ خان نے حال ہی میں ایک نجی ٹی وی چینل کی رمضان ٹرانسمیشن میں شرکت کی جس کی میزبانی کے فرائض ان کے شوہر اداکار دانش تیمور اور میزبان رابعہ انعم نبھا رہی تھیں۔

شو کے دوران سوالات کا جواب دیتے ہوئے اداکارہ عائزہ خان نے انکشاف کیا کہ دانش تیمور سے شادی کے کچھ عرصے بعد تک میرے سسر مجھے ماہانہ خرچہ دیا کرتے تھے۔اداکارہ نے بتایا کہ سسر چیک کی صورت میں خرچہ دیتے تھے اور مہینے کے اختتام پر حساب بھی لیا کرتے تھے کہ پیسے کہاں خرچ کیی عائزہ خان نے انکشاف کیا کہ دانش تیمور کے تمام مالی معاملات ان کے والد دیکھتے ہیں۔

اس پر اداکار دانش تیمور نے بتایا کہ جب سے میں نے کمانا شروع کیا ہے میں ہر چیک والد کے حوالے کر دیتا ہوں، یہ ان کی مرضی ہوتی ہے کہ وہ ان پیسوں کو بینک میں جمع کروا دیں یا استعمال کر لیں۔اداکارہ کا کہنا ہے کہ میں اس لیے ایسا کرتا ہوں تاکہ میرے والد کے ذہن میں یہ کبھی نہ آئے کہ اگر میں نے کمانا چھوڑ دیا ہے تو اب مجھے بیٹے سے پیسے مانگنا پڑیں گے۔