گوجرانوالہ۔ سی آئی اے پولیس کی کاروائی، ڈکیت گینگ کے06ملزمان پولیس نے گرفتار کر لئے

جمعرات 20 مارچ 2025 11:36

گوجرانوالہ (اُردو پوائنٹ اخبارتازہ ترین - اے پی پی۔ 20 مارچ2025ء) سٹی پولیس آفیسرمحمد ایاز سلیم نے ضلع بھر میں ڈکیتوںاورچوروں کے خلاف کاروائیاں کرنے کے احکامات جاری کر رکھے ہیں۔انہی احکامات کے پیش نظرانچارج سی آئی اے ڈی ایس پی عنصرجاوید موہل و دیگران پر مشتمل پولیس ٹیم نے اعلیٰ کارکردگی کامظاہرہ کرتے ہوئے 02 ڈکیت گینگ کے06 ارکان کو گرفتارکرکے ملزمان کے قبضہ سے04لاکھ14ہزار روپے نقدی 01موٹرسائیکل،موبائل فون اورناجائز اسلحہ برآمد کر لیا۔

(جاری ہے)

گرفتار کیے گئے ملزمان میں ذیشان ،بابر،لقمان ،سفیان ،نعمان اورفخرعباس شامل ہیں۔ دوران تفتیش ملزمان نے انکشاف کیا کہ وہ ضلع بھر میں ڈکیتی کی وارداتیں کرتے اور فرار ہو جاتے ہیں۔ اس موقع پر سٹی پولیس آفیسر محمدایاز سلیم نے کہا کہ مجرمانہ ذہن رکھنے والے سماج دشمن عناصر کے ساتھ آہنی ہاتھوں سے نمٹتے ہوئے شہریوں کو امن کی فضا فراہم کریں گے۔سی پی او نے اعلیٰ کارکردگی کا مظاہر ہ کرنے پر انچارج سی آئی اے ڈی ایس پی عنصر جاوید موہل اورانکی پولیس ٹیم کے جوانوں کو شاباش دی ۔\378