بھارت تنازعہ کشمیر کے حل کے لیے پاکستان کیساتھ بات چیت کرے، علی محمد ساگر

جمعرات 20 مارچ 2025 17:02

جموں(اُردو پوائنٹ اخبارتازہ ترین - این این آئی۔ 20 مارچ2025ء) بھارت کے غیر قانونی زیر قبضہ جموں و کشمیر میں نیشنل کانفرنس کے رکن قانون ساز اسمبلی علی محمد ساگر نے بھارت پر زور دیا ہے کہ وہ مسئلہ کشمیر کے حل کے لیے پاکستان کے ساتھ بات چیت کرے۔

(جاری ہے)

کشمیر میڈیا سروس کے مطابق علی محمد ساگر نے ایوان میں اظہار کرتے ہوئے کہا کہ مذاکرات ہی مسائل کے حل کا واحد راستہ ہے۔

انہوں نے اسمبلی میں بی جے پی کے اراکین سے مطالبہ کیا کہ وہ پاکستان کے ساتھ بات چیت کے لیے نئی دہلی پر دباؤ ڈالیں اور کہا کہ این سی نے ہمیشہ امن کے لیے بات چیت کی وکالت کی ہے۔انہوں نے کہا کہ سابق وزیر اعظم اٹل بہاری واجپائی نے بھی پاکستان کے ساتھ بات چیت کی تھی، ہم ہمیشہ کہتے ہیں کہ مسائل کو حل کرنے کا یہی واحد راستہ ہے۔