آئی سی سی ویمنز ورلڈ کپ کوالیفائر کی تیاری کیلئے قومی ویمنز کرکٹرز کاتربیتی کیمپ (کل)سے شروع ہوگا

جمعرات 20 مارچ 2025 17:33

لاہور (اُردو پوائنٹ اخبارتازہ ترین - اے پی پی۔ 20 مارچ2025ء) آئی سی سی ویمنز ورلڈ کپ کوالیفائر کی تیاری کیلئے پاکستان ویمنز کرکٹرز کاتربیتی کیمپ (کل) جمعہ سے لاہور میں شروع ہوگا۔ہیڈ کوچ محمد وسیم کیمپ کی نگرانی کریں گے۔ترجمان پی سی بی کے مطابق خواتین کی قومی سلیکشن کمیٹی نے کیمپ کیلئے19کھلاڑیوں کے ناموں کا اعلان کردیاہے۔کیمپ کا پہلا مرحلہ فیصل آباد میں ہوا تھا جس میں33کھلاڑیوں نے حصہ لیا ۔

(جاری ہے)

کیمپ میں شامل کھلاڑیوں میں عالیہ ریاض، ڈیانا بیگ، فاطمہ ثنا، غلام فاطمہ، گل فیروزہ، منیبہ علی اور نجیہہ علوی(وکٹ کیپر)نشرہ سندھو، نتالیہ پرویز، ندا ڈار، عمیمہ سہیل، رامین شمیم، سعدیہ اقبال، شوال ذوالفقار،سدرہ امین ، سدرہ نواز(وکٹ کیپر)، سیدہ عروب شاہ، تسمیہ رباب اورارم ہانی شامل ہیں۔واضح رہے کہ طوبیٰ حسن انگلی میں فریکچر کے باعث کیمپ سے باہر ہیں اور ان کی جگہ ندا ڈار کو کیمپ میں شامل کیا گیا ہے۔