aپنجاب پولیس کا ایک اور سپوت فرض کی راہ میں قربان

-آئی جی پنجاب ڈاکٹر عثمان انور کاشہید کانسٹیبل حماد علی کی عظیم قربانی کو خراج عقیدت

جمعرات 20 مارچ 2025 20:30

ظ لاہور (اُردو پوائنٹ اخبارتازہ ترین - آن لائن۔ 20 مارچ2025ء) انسپکٹر جنرل پولیس پنجاب ڈاکٹر عثمان انور نے پنجاب پولیس کے ایک اور سپوت کی فرض کی راہ میں عظیم قربانی کو خراج عقیدت پیش کیا۔

(جاری ہے)

ترجمان پنجاب پولیس نے تفصیلات سے آگاہ کرتے ہوئے بتایا کہ میانوالی کے علاقہ دائود خیل میں دو روز قبل چیک پوسٹ جناح بیراج پر دوران ڈیوٹی ملزمان کی فائرنگ سے کانسٹیبل حماد علی زخمی ہوئے جو ہسپتال میں زیر علاج تھے اور آج زخموں کی تاب نہ لاتے ہوئے جام شہادت نوش فرما گئے۔آئی جی پنجاب ڈاکٹر عثمان انورنے کہا کہ دکھ کی اس گھڑی میں شہید کے اہل خانہ کے ساتھ کھڑے ہیں۔شہید کے اہلخانہ کو تنہا نہیں چھوڑیں گے اور فلاح و بہبود کا بھرپور خیال رکھا جائیگا۔