بالی ووڈ میں کبھی جائز کریڈٹ نہیں ملا، گنیش اچاریا

ساؤتھ فلم انڈسٹری اپنے ٹیکنیشنز کی ہندی فلم انڈسٹری سے زیادہ عزت کرتی ہے،میڈیاسے گفتگو

ہفتہ 22 مارچ 2025 12:18

بالی ووڈ میں کبھی جائز کریڈٹ نہیں ملا، گنیش اچاریا

نئی دہلی(اُردو پوائنٹ اخبارتازہ ترین - این این آئی۔ 22 مارچ2025ء)کوریوگرافر ڈائریکٹر گنیش اچاریا نے کہاہے کہ بالی ووڈ میں کبھی بھی کسی نے انھیں وہ کریڈٹ نہیں دیا جو انکا حق تھا لیکن الو ارجن نے پشپا فلمز میں یہ سب کچھ کیا۔ بھارتی میڈیا سے گفتگو کرتے ہوئے چنئی سے تعلق رکھنے والے 53 سالہ ماہر رقص نے کہا کہ انکا گمان ہے ساؤتھ کی فلم انڈسٹری اپنے ٹیکنیشنز کی ہندی فلم انڈسٹری سے زیادہ عزت کرتی ہے۔

(جاری ہے)

انہوںنے کہاکہ وہ ہندی فلم انڈسٹری کو قطعا ًالزام نہیں دے رہے لیکن ممبئی میں ٹیکنیشنز کو وہ کریڈٹ نہیں دیا جاتا جو انکا حق ہوتا ہے۔ انہوںنے دعویٰ کیاکہ وہ خوش نصیب ہیں کہ فلم اسٹارز نے ان کے ساتھ کافی تعاون کیا یہاں کہ آخری لمحات میں اسٹارز کو سوٹ کوریوگرافی میں سوٹ کرنے والی تبدیلیاں بھی کی گئیں۔ گنیش اچاریانے کہاکہ بالی ووڈ میں انا پرستی بہت زیادہ ہے، یہ نہیں ہونا چاہیے۔