نو مئی 8مقدمات میں مسرت چیمہ ،جمشید اقبال چیمہ کی عبوری ضمانت میں توسیع

ہفتہ 22 مارچ 2025 17:12

لاہور (اُردو پوائنٹ اخبارتازہ ترین - این این آئی۔ 22 مارچ2025ء) انسداد دہشت گردی عدالت لاہور نے نو مئی جلائو گھیرائو سمیت 8مقدمات میں پی ٹی آئی رہنما مسرت جمشید چیمہ اور جمشید اقبال چیمہ کی عبوری ضمانت میں 18اپریل تک توسیع کر دی ۔ انسداد دہشتگردی عدالت کے جج منظر علی گل نے جناح ہائوس ،عسکری ٹاور سمیت دیگر مقدمات میں عبوری ضمانتوں پر سماعت کی ۔

مسرت جمشید چیمہ اور جمشید اقبال چیمہ حاضری کیلئے پیش ہوئے۔

(جاری ہے)

پولیس نے مقدمات کا ریکارڈ پیش کرنے کے لئے مہلت طلب کی ۔ڈی ایس پی جاوید آصف نے بتایا کہ مقدمات کا ریکارڈ سپریم کورٹ میں ہے ، مقدمات میں تفتیش مکمل ہو چکی ہے ۔عدالت نے دونوں کی عبوری ضمانتوں میں 18اپریل تک توسیع کرتے ہوئے کہا کہ آئندہ سماعت پر ملزمان کے وکلاء ضمانتوں پر دلائل کے لئے پیش ہوں۔مسرت جمشید چیمہ نے 8مقدمات میں عبوری ضمانت دائر کر رکھی ہے جبکہ جمشید اقبال چیمہ نے 4مقدمات مین عبوری ضمانت دائر کر رکھی ہے ۔ملزمان کے خلاف عسکری ٹاور حملہ ،جناح ہائوس ،راحت بیکری کے باہر جلائو گھیرا سمیت دیگر مقدمات درج ہیں۔