آئندہ چوبیس گھنٹوں کے دوران ملک کے بیشتر علاقوں میں موسم خشک جبکہ میدانی علاقوں میں دن کے اوقات میں گرم رہنے کا امکان ، محکمہ موسمیات

ہفتہ 22 مارچ 2025 22:49

اسلام آباد (اُردو پوائنٹ اخبارتازہ ترین - اے پی پی۔ 22 مارچ2025ء) آئندہ چوبیس گھنٹوں کے دوران ملک کے بیشتر علاقوں میں موسم خشک جبکہ میدانی علاقوں میں دن کے اوقات میں گرم رہنے کا امکان ہے۔ محکمہ موسمیات کے مطابق گذشتہ 24 گھنٹوں کے دوران ملک کے بیشتر علاقوں میں مو سم خشک رہا ہے۔

(جاری ہے)

ہفتہ کو ریکارڈکئے گئے کم سےکم درجہ حرارت کے اعدادوشمار کےمطابق لہہ میں درجہ حرارت منفی 7، استور ، سکردومنفی ایک اورزیارت میں صفر ڈگری سینٹی گریڈ ریکارڈ کیا گیا ۔محکمہ موسمیات نے متنبہ کیا ہے کہ اتوار 23مارچ سے ملک کے میدانی علاقوں میں دن کے درجہ حرارت میں بتدریج اضافے کا امکان ہے۔