Live Updates

بالائی علاقوں میں بارشوں کے سبب دریائوں کے بہا ئومیں مزید اضافے کا خدشہ

پیر 18 اگست 2025 13:19

لاہور(اُردو پوائنٹ اخبارتازہ ترین - این این آئی۔ 18 اگست2025ء) پرونشل ڈیزاسٹر مینجمنٹ اتھارٹی نے بالائی علاقوں میں بارشوں کے سبب دریائوں کے بہا ئومیں مزید اضافے کا خدشہ ظاہر کرتے ہوئے دریائوں کے پاٹ میں موجود شہریوں کوفوری محفوظ مقامات پرمنتقل ہونے کی ہدایت کردیں۔

(جاری ہے)

ترجمان پی ڈی ایم اے کے مطابق پنجاب کے دریائوں میں پانی کے بہائومیں مسلسل اضافہ ہورہا ہے، دریائے سندھ میں تربیلا ،کالاباغ چشمہ اور تونسہ کے مقام پردرمیانے درجے کا سیلاب ہے،تربیلا کے مقام پرپانی کا بہائو3لاکھ 30ہزارکیوسک ہے،اس کے علاوہ کالاباغ 4 لاکھ 32 ہزارچشمہ 4 لاکھ 80 ہزارکیوسک ہے،تونسہ کے مقام پر4 لاکھ 54 ہزارکیوسک ہے،دریائے ستلج میں گنڈا سنگھ والا اورسلیمانکی کے مقام پرنچلے درجے کا سیلاب ہے،گنڈا سنگھ کے مقام پر پانی کا بہائو65 ہزار کیوسک ہے۔

ترجمان پی ڈی ایم ایم اے کا کہنا ہے کہ سلیمانکی کے مقام پر 69 ہزارکیوسک ہے،دریائے راوی میں جسڑ کے مقام پرنچلے درجے کا سیلاب اورپانی کابہا ئو54 ہزارکیوسک ہے،نالہ پلکھومیں درمیانے درجے کے سیلاب کی صورتحال ہے،نالہ ایک بئیں اوربسنتر میں نچلے درجے کی کی سیلابی صورتحال ہے۔