ننکانہ صاحب منافع خور بے لگام، مزدور طبقہ مہنگائی میں پس گیا، اشیا خوردونوش شہریوں کی قوت خرید سے باہر

عوام کو عام مارکیٹس میں اشیا ضروریہ کی قیمتوں پر فراہمی کو یقینی بنانے کیلئے ٹھوس اقدامات اٹھانے ہوں گے، مطالبہ

منگل 25 مارچ 2025 10:50

ننکانہ صاحب(اُردو پوائنٹ اخبارتازہ ترین - این این آئی۔ 25 مارچ2025ء)ننکانہ صاحب منافع خور بے لگام،مزدور طبقہ مہنگائی میں پس گیا،اشیا خوردونوش شہریوں کی قوت خرید سے باہر۔

(جاری ہے)

تفصیلات کے مطابق ننکانہ صاحب میں سرکاری نرخ ناموں پر نامناسب عملدرآمد،منافع خور بے لگام،مزدور طبقہ مہنگائی کی بھٹی میں پس گیا،پرائس کنٹرول مجسٹریٹس کی کارکردگی لمحہ فکریہ، پرائس کنٹرول کمیٹیاں غیر فعال ہونے سے عام آدمی کو اشیا ضروریہ کی قیمتوں میں خاطر خواہ ریلیف نہ ملنے کیوجہ سے مزدور طبقہ ناجائز منافع خوروں کے ہاتھوں لٹنے پر مجبورہے،دوکانداروں نے صارفین کو دونوں ہاتھوں سے لوٹنے کیلئے من مرضی کے ریٹ مقرر کر رکھے ہیں سبزی اور فروٹ کی قیمتوں میں بھی عدم استحکام کیوجہ سے غریب طبقہ کی قوت خرید سے دور پہنچ چکی ہے، مہنگائی کی چکی میں پسی عوام نے انتظامی امور کے بااختیار آفیسران سے مطالبہ کیا ہے کہ عوام کو عام مارکیٹس میں اشیا ضروریہ کی قیمتوں پر فراہمی کو یقینی بنانے کیلئے ٹھوس اقدامات اٹھانے ہوں گے۔