پولیس اہلکاروں کیلئے بھی ہیلمنٹ اور لائسنس لازمی قرار‘ نوٹیفکیشن جاری

منگل 25 مارچ 2025 21:40

راولپنڈی(اُردو پوائنٹ اخبارتازہ ترین - آن لائن۔ 25 مارچ2025ء) پولیس اہلکاروں کے لیے بھی ہیلمنٹ اور لائسنس لازمی قراردیدیا گیا ہے اور نوٹیفکیشن جاری کیا گیا۔ نوٹیفکیشن کے مطابق پولیس لائن سے رانگ سائیڈ سے نکلنے پر مکمل پابندی ہوگی اورہیلمٹ نہ پہننے اور دستاویزات نہ ہونے پر سخت کارروائی ہوگی۔

(جاری ہے)

پولیس افسران و اہلکاروں کو ڈرائیونگ قوانین پر سختی سے عملدرآمد کرنے کی ہدایت کی گئی ہے جبکہ پولیس لائن کے اندر موٹر سائیکل سواروں کی چیکنگ کیلئے خصوصی کمیٹی تشکیل دی گئی ہے ۔

ڈیوٹی پرائیویٹ موٹر سائیکل پر کرنے والے اہلکاروں کیلئے لائسنس اور رجسٹریشن بک بھی لازمی قراردی گئی ہے ۔نوٹیفکیشن کے مطابق پولیس لائن میں ٹریفک قوانین کی خلاف ورزی برداشت نہیں کی جائے گی، پولیس اہلکاروں کو ڈسپلن برقرار رکھنے کیلئے ہدایات جاری کی گئی ہیں۔سرپرائز چیکنگ کے دوران کاغذات نہ ہونے پر محکمانہ کارروائی ہوگی،راولپنڈی پولیس نے ٹریفک قوانین پر سختی سے عملدرآمد کرانے کی ہدایت کی ہے ۔