ویوو نے Boao Forum 2025 میں روبوٹکس لیب کا اعلان کرتے ہوئے اپنا پہلا مکسڈ رئیلٹی ہیڈسیٹ پیش کردیا

آج Boao، Hainan میں Boao Forum for Asia Annual Conference 2025 کا آغاز ہوا

بدھ 26 مارچ 2025 13:29

ویوو نے Boao Forum 2025 میں روبوٹکس لیب کا اعلان کرتے ہوئے اپنا پہلا مکسڈ ..

لاہور (اُردو پوائنٹ اخبارتازہ ترین۔ 26 مارچ2025ء) آج Boao، Hainan میں Boao Forum for Asia Annual Conference 2025 کا آغاز ہوا۔ ویوو نے مسلسل چوتھے سال ایونٹ کے اسٹریٹیجک پارٹنر اور Boao Forum for Asia کے بورڈ آف ڈائریکٹرز کے نئے رکن کے طور پر اپنی جدید ترین ٹیکنالوجیز پیش کی ہیں۔ ان ٹیکنالوجیز میں Blue Technology Matrix ( BlueImage, BlueLM, BlueOS, BlueChip, BlueVolt), vivo Vision (vivo MR headset) اور 6G میں پیش رفت کے ساتھ اور دیگر ٹیکنالوجیز شامل ہیں۔

اس کے علاوہ، ویوو کے آنے والے فلیگ شپ امیجنگ سمارٹ فون ویوو X200 Ultra کو "Official Smartphone of Boao Forum for Asia" کا اعزاز دیا گیا ہے۔
25 مارچ کی سہ پہر Boao Forum میں منعقدہ "vivo Release Moment" سیشن کے دوران، ویوو کے ایگزیکٹو نائب صدر، چیف آپریٹنگ آفیسر اور vivo Central Research Institute کے صدر ہو بائی شان نے "Humanity in the Future of Technology by vivo" کے عنوان سے خطاب دیا۔

(جاری ہے)

اپنی تقریر میں، ہو بائی شان نے کہا کہ موبائل فون انڈسٹری چین کی ٹیکنالوجیکل جدت کا عکاس ہے اور ویوو کی ترقی اس شعبے کی پیش رفت کو ظاہر کرتی ہے۔

انہوں نے کمپنی کی تین دہائیوں پر محیط بنیادی کاروباری حکمت عملیوں پر روشنی ڈالی، جن میں تین اہم پہلو شامل ہیں: طویل مدتی وژن، انسانیت پر مبنی سوچ، اور تعاون و مشترکہ کامیابی پر توجہ۔ آج تک ویوو مسلسل چار سال سے چین کی مارکیٹ میں سب سے بڑا مقامی سمارٹ فون برانڈ ہے اور 60 سے زائد ممالک اور خطوں میں 500 ملین سے زیادہ صارفین کو خدمات فراہم کر رہا ہے۔

مزید ہو بائی شان کا کہنا تھا کہ گزشتہ چند دہائیوں کے دوران، موبائل فون انڈسٹری نے ایک “ incubator” کے طور پر کام کیا ہے، جو نئی صنعتوں کو فروغ دے کر ہماری زندگی اور کام کے طریقے بدل رہی ہے۔ آج، AI اور روبوٹکس میں ہونے والی پیش رفت بالترتیب ڈیجیٹل اور فزیکل دنیا کی جدید ترین ٹیکنالوجی کی نمائندگی کرتی ہے۔

تاہم، یہ دونوں دنیائیں ابھی تک مکمل طور پر یکجا نہیں ہو سکی ہیں۔ موبائل فون انڈسٹری، جو ایک وسیع صارفین کی بنیاد، جدید ترین ٹیکنالوجی ایکو سسٹم اور متنوع ایپلیکیشن کے مواقع رکھتی ہے، ان دونوں جہانوں کے درمیان پل کا کردار ادا کر سکتی ہے۔ روبوٹکس موبائل فون انڈسٹری کے مستقبل کی علامت بن سکتی ہے، جہاں ڈیجیٹل کنیکٹیویٹی اور فزیکل صلاحیتیں ایک ساتھ جُڑ کر ایک نئی دنیا تشکیل دیں گی۔

سب سے اہم بات یہ ہے کہ یہ مستقبل انسانی ضروریات پر مبنی ہوگا اور صارفین کے تجربات کو بہتر بنانے پر توجہ مرکوز رکھے گا۔

اپنی تقریر کے دوران ہو بائی شان نے اعلان کیا کہ ویوو نے اپنی روبوٹکس لیب قائم کر دی ہے۔ ویوو اپنی "BlueTech" مہارت، AI لرننگ ماڈلز، امیجنگ ٹیکنالوجی اور ویوو وژن کے ریئل ٹائم اسپیشل کمپیوٹنگ تجربے کو بروئے کار لاتے ہوئے روبوٹس کے "دماغ" اور "آنکھوں" پر تحقیق کرے گا۔

اس کے ساتھ، ویوو صارفین کے لیے ذاتی اور گھریلو استعمال کے روبوٹک پروڈکٹس بھی متعارف کرانے پر کام کر رہا ہے تاکہ جدید ٹیکنالوجی کو لیب سے نکال کر عام زندگی کا حصہ بنایا جا سکے۔
Boao Forum میں پہلی بار پیش کیا گیا ویوو وژن مکسڈ ریئلٹی ٹیکنالوجی کے سفر میں ایک سنگ میل ثابت ہوا ہے۔ اسی تسلسل میں، ویوو X200 Ultra، جو اگلے ماہ لانچ ہونے والا ہے، امیجنگ میں جدید ترین ویوو ٹیکنالوجی کو شامل کرے گا۔
مستقبل میں، ویوو روبوٹکس کو عام زندگی میں شامل کرنے اور عالمی سطح پر صنعت کے شراکت داروں کے ساتھ مل کر گھریلو روبوٹس متعارف کرانے کے لیے پُرعزم ہے۔