آئی ایم ایف کے ساتھ سٹاف لیول معاہدہ خوش آئند ،ہماری معاشی کارکردگی پر اعتماد کا اظہار کیا گیا ،تاجر رہنما عاطف اکرام شیخ

بدھ 26 مارچ 2025 16:16

اسلام آباد (اُردو پوائنٹ اخبارتازہ ترین - اے پی پی۔ 26 مارچ2025ء) صدر فیڈریشن آف پاکستان چیمبر آف کامرس اینڈ انڈسٹریز عاطف اکرام شیخ نے کہا ہے کہ آئی ایم ایف کے ساتھ سٹاف لیول معاہدہ خوش آئند ہے۔

(جاری ہے)

ایک بیان میں انہوں نے کہا کہ آئی ایم ایف کی جانب سے پاکستان کی معاشی کارکردگی پر اعتماد کا اظہار کیا گیا ہے ، معاشی اشاریہ مثبت اور ترسیلات زر سمیت برآمدات و محصولات میں اضافہ ہو رہا ہے۔ انہوں نے کہا کہ محصولات میں مزید اضافے کے لیے ایف بی آر میں اصلاحات ضروری ہیں، برآمدات میں اضافے کے لیے بزنس کمیونٹی کو مراعات دینی ہوں گی۔