ترکیہ ،سکی ریزورٹ کے ہوٹل میں آگ لگنے سے ایک شخص ہلاک، 3 افراد زخمی

جمعرات 27 مارچ 2025 17:19

انقرہ(اُردو پوائنٹ اخبارتازہ ترین - این این آئی۔ 27 مارچ2025ء)ترکیہ کے صوبے برسا کے الودگ سکی ریزورٹ کے ہوٹل میں آگ لگنے سے ایک شخص ہلاک اور 3 افراد زخمی ہو گئے۔

(جاری ہے)

میڈیارپورٹس کے مطابق برسا کے میئر مصطفی بوزبی نے بتایا کہ اس واقعہ میں ایک شخص ہلاک ہو گیا اور 3 افراد زخمی ہو گئے جن میں مبینہ طور پر ایک سکی انسٹرکٹر، اس کی بیوی اور ان کا بیٹا شامل ہیں جو دھوئیں کی شدت سے متاثر ہوئے اور بعد میں انہیں بے ہوشی کی حالت میں ہسپتال منتقل کیا گیا۔ آگ پر قابو پا لیا گیا ہے اور تحقیقات کا آغاز کر دیا گیا ہے۔