فیصل آباد میں پی ٹی آئی ایم پی اے کا دکاندار پر تشدد‘ویڈیو وائرل

میرا بھتیجا دکان پر اپنے دوست کے ساتھ گیا تھا، دکاندار نے چوری کے الزام پر بٹھا لیا تھا‘ لطیف گجر

بدھ 2 اپریل 2025 11:55

فیصل آباد(اُردو پوائنٹ اخبارتازہ ترین - این این آئی۔ 02 اپریل2025ء)فیصل آباد کے علاقے کوہ نور ٹاؤن میں تحریک انصاف (پی ٹی آئی) ایم پی اے کے دکاندار پر تشدد کی ویڈیو وائرل ہوگئی۔

(جاری ہے)

پولیس حکام کے مطابق پی ٹی آئی ایم پی اے کے دکاندار پر تشدد کا واقعہ 18 مارچ کا ہے، فریقین کے درمیان صلح ہوگئی ہے۔ایم پی اے لطیف گجر کا موقف ہے کہ میرا بھتیجا دکان پر اپنے دوست کے ساتھ گیا تھا، دکاندار نے چوری کے الزام پر بھتیجے کو پکڑ کر بٹھا لیا تھا۔انہوں نے مزید کہا کہ چوری کا الزام غلط ثابت ہونے پر دکاندار کو تھپڑ مارے تھے، دکاندار اور مارکیٹ صدر کے ساتھ مل کر معاملہ ختم ہوگیا ہے۔