میانمار میں زلزلے سے ہلاک ہونے والوں کی تعداد 2800 سے تجاوز کر گئی

بدھ 2 اپریل 2025 12:50

ینگون (اُردو پوائنٹ اخبارتازہ ترین - اے پی پی۔ 02 اپریل2025ء) میانمار میں زلزلے سے ہلاک ہونے والوں کی تعداد 2800 سے تجاوز کر گئی۔شنہوا کے مطابق ریاستی انتظامی کونسل کی معلوماتی ٹیم کے مطابق میانمار میں جمعہ کو آنے والے 7.9 شدت کے زلزلے سے مرنے والوں کی تعداد 2,886 ہو گئی ہے، 4,639 زخمی اور 373 ابھی تک لاپتہ ہیں۔

(جاری ہے)

میانمار ریڈ کراس سوسائٹی کے صدر میو نیونٹ نے بتایا کہ موجودہ امدادی کارروائیوں میں کلیدی چیلنجوں میں آفات کی تشخیص اور لاجسٹک کوآرڈینیشن شامل ہیں۔مزید کہا کہ متاثرہ علاقوں میں حفاظتی خدشات کی وجہ سے ریسکیو ٹیموں کو سامان کی تقسیم میں خاصی مشکلات کا سامنا کرنا پڑا ہے، خاص طور پر بھاری مشینری کی کمی ہے۔ ■