صوابی تھانہ کالوخان پولیس کا سوشل میڈیا پر اسلحہ نمائش، ہوائی فائرنگ میں ملوث ملزمان کے خلاف کریک ڈائون جاری

بدھ 2 اپریل 2025 18:30

پشاور (اُردو پوائنٹ اخبارتازہ ترین - اے پی پی۔ 02 اپریل2025ء) صوابی تھانہ کالوخان پولیس کا سوشل میڈیا پر اسلحہ نمائش، ہوائی فائرنگ میں ملوث ملزمان کی سرچنگ اور گرفتاری کا عمل جاری ہے۔

(جاری ہے)

افسران بالا کی خصوصی احکامات کی روشنی میں سوشل میڈیا پر اسلحہ نمائش کرنے والوں کے خلاف کریک ڈائون بدستور جاری ہے، اس سلسلے میں عوامی شکایات اور غیر اخلاقی طور سوشل میڈیا پر ٹک ٹاک کی ویڈیو شیئر کرنے اور نمائش کرنے والے عناصر کیخلاف کریک ڈائون جاری ہیں۔

ترجمان ضلعی پولیس صوابی کے مطابق ڈی ایس پی سرکل رزڑ محمد فیاض خان کے قیادت میں ایس ایچ او تھانہ کالوخان منصف خان اور بیٹ آفیسر وسیع اللہ خان نے دیگر نفری پولیس کے ہمراہ سوشل میڈیا پر اسلحہ نمائش کی ویڈیو اپلوڈ کرنے میں ملوث ملزمان محمد شاہ زیب اور شاہ زیب ساکنان کرنل شیر خان کلے کو گرفتار کرلیے۔ملزمان کے قبضے سےایک عدد رائفل 3G اور ایک عدد رائفل 223 بور M4 معہ کارتوس برآمد کرلئے گئے ہیں۔