م*بی این پی کو ریڈ زون میں احتجاج کی اجازت نہیں دی جائے گی: ترجمان بلوچستان حکومت

۹دونوں اطراف کو لچک دکھانا ہوگی، اگر اختر مینگل بضد رہیں گے تو حکومت کے پاس دیگر آپشنز موجود ہیں، شائد رند

ہفتہ 5 اپریل 2025 18:26

کوئٹہ (اُردو پوائنٹ اخبارتازہ ترین - آن لائن۔ 05 اپریل2025ء) ترجمان حکومت بلوچستان شاہد رند نے کہا ہے کہ بلوچستان نیشنل پارٹی ریڈ زون میں احتجاج کرنا چاہتی ہے تاہم اس کی اجازت نہیں دی جائے گی۔ سریاب روڈ پر جگہ کی پیشکش کی ہے لیکن وہ ریڈ زون جانے کے لئے بے تاب ہیں ۔ پریس کانفرنس کرتے ہوئے ترجمان حکومت بلوچستان شاہد رند نے کہا کہ سردار اختر مینگل کے ساتھ حکومتی کمیٹی نے 2 نشستیں کی ہیں، صوبائی حکومت نے انہیں سریاب روڈ پر جگہ کی پیشکش کی لیکن بی این پی ریڈ زون میں احتجاج کرنا چاہتی ہے، اس کی اجازت نہیں دی جائیگی۔

(جاری ہے)

انہوں نے کہا کہ بی این پی کوئٹہ کی طرف لانگ مارچ کا اعلان کر چکی ہے، دفعہ 144 نافذ ہے، اگر خلاف ورزی کی گئی تو قانون اپنا راستہ لے گا۔ انہوں نے کہا کہ ہم اب بھی صبر و تحمل کا مظاہرہ کر رہے ہیں، صوبائی حکومت کی کوشش یہی تھی کہ سیاسی ڈائیلاگ سے معاملے کو حل کیا جائے، دونوں اطراف کو لچک دکھانا ہوگی، اگر اختر مینگل بضد رہیں گے تو حکومت کے پاس دیگر آپشنز موجود ہیں۔ وا ضع رہے کہ گزشتہ دنوں سردار اختر مینگل کی قیادت میں بی این پی کا لانگ مارچ وڈھ سے شروع ہوا تھا تاہم مستونگ کے مقام پر راستے بند ہونے پر وہیں دھرنا دیا گیا تھا جو آج نویں روز میں داخل ہو چکا ہے۔