قابض اسرائیل کا پولیو ویکسین کے اجرا پر پابندی ایک ٹائم بم ہے،وزارت صحت

ویکسین کے داخلے کی اجازت کیلئے متعلقہ حکام قابض ریاست پر دبائو ڈالیں ، مطالبہ

اتوار 6 اپریل 2025 20:30

غزہ (اُردو پوائنٹ اخبارتازہ ترین - این این آئی۔ 06 اپریل2025ء)فلسطینی وزارت صحت نے خبردار کیا ہے کہ قابض اسرائیل کی طرف سے غزہ کی پٹی میں پولیو ویکسین کے داخلے پر پابندی ایک ٹائم بم ہے جس سے وبا پھیلنے کا خطرہ ہے۔وزارت صحت نے جاری بیان میں کہا ہے کہ ویکسین کے داخلے کو روکنا غزہ کی پٹی میں بچوں کو بالواسطہ نشانہ بنانا ہے۔ 602,000 بچوں کو مستقل پولیو اور دائمی معذوری کا خطرہ ہے جب تک کہ انہیں ضروری ویکسین نہیں مل جاتیں۔

(جاری ہے)

انہوں نے نشاندہی کی کہ ویکسین کے اجرا کا مطلب یہ ہے کہ پچھلے سات مہینوں میں کی جانے والی کوششوں کا خاتمہ ہو جائے گا، جس سے سماجی اور معاشی اثرات کو مزید پیچیدہ کرنے کے علاوہ صحت کی دیکھ بھال کے پہلے سے زیادہ پھیلے ہوئے نظام کے لیے سنگین اور تباہ کن اثرات مرتب ہوں گے۔وزارت صحت نے متعلقہ حکام سے مطالبہ کیا کہ وہ قابض ریاست پر دبا ڈالیں تاکہ کہ وہ ویکسین کے داخلے کی اجازت دے اور غزہ کی پٹی کے مختلف علاقوں میں بچوں تک رسائی کو یقینی بنانے کے لیے محفوظ راستے فراہم کرے۔