آسٹریلیا، نیو ساؤتھ ویلز میں متعدد گاڑیوں میں تصادم ، 2 افراد ہلاک ، 4 زخمی

پیر 7 اپریل 2025 11:10

کینبرا (اُردو پوائنٹ اخبارتازہ ترین - اے پی پی۔ 07 اپریل2025ء) آسٹریلیا کی ریاست نیو ساؤتھ ویلز (این ایس ڈبلیو ) کے دارالحکومت سڈنی کے شمال مشرق میں متعدد گاڑیوں میں تصادم سے 2 افراد ہلاک اور 4 زخمی ہو گئے۔

(جاری ہے)

شنہوا کے مطابق نیو ساؤتھ ویلز پولیس نے کہا کہ یہ حادثہ پیر کو سڈنی سے 220 کلومیٹر شمال مشرق میں واقع علاقے نیبیاک کے قریب ایک بڑی شاہراہ پر پیش آیا جس کے نتیجے میں 2 افراد ہلاک ہو گئے جن کی ابھی تک باضابطہ شناخت نہیں ہو سکی جبکہ 4 افراد زخمی ہو گئے جنہیں قریبی ہسپتال لے جانے سے پہلے ایمبولینس کے پیرامیڈیکس کے ذریعے جائے وقوعہ پر علاج کیا گیا۔ پولیس نے جائے وقوعہ کا تعین کر کے واقعہ کی وجوہات جاننے کے لیے تفتیش شروع کر دی ہے۔