عید الاضحٰی کی تاریخ کی پیشن گوئی کر دی گئی

پاکستان میں عید قربان جون کے ماہ کے اختتام پر ہونے کا امکان

محمد علی پیر 7 اپریل 2025 18:53

لاہور (اُردو پوائنٹ اخبارتازہ ترین۔ 07 اپریل2025ء) عید الاضحٰی کی تاریخ کی پیشن گوئی کر دی گئی، پاکستان میں عید قربان جون کے ماہ کے اختتام پر ہونے کا امکان ۔ تفصیلات کے مطابق رمضان المبارک کے اختتام کے ایک ہفتے بعد پاکستان سمیت دنیا بھر کے بیشتر اسلامی ممالک میں عید الاضحٰی کی ممکنہ تاریخ سے متعلق بھی پیشن گوئی کر دی گئی۔ ماہرین فلکیات کے مطابق رواں سال عید الاضحیٰ 7 جون 2025 بروز ہفتے کو ہونے کی پیش گوئی کی ہے۔

ان تاریخوں کے مطابق پاکستانی 7 جون ہفتے سے 9 جون پیر تک عید الاضحیٰ منائیں گے۔ متحدہ عرب امارات میں فلکیاتی پیش گوئیوں کے مطابق عید الاضحیٰ 6 جون بروز جمعہ کو ہونے کی توقع ہے۔ ایمریٹس آسٹرونومی سوسائٹی نے تصدیق کی ہے کہ ذی الحجہ کے آغاز کا ہلال کا چاند 27 مئی کو نظر آنے کا امکان ہے جس سے 28 مئی کو اسلامی مہینے کا پہلا دن ہوگا۔

(جاری ہے)

بتایا گیا ہے کہ سعودی عرب سمیت کئی اسلامی ممالک میں 6 جون بروز جمعہ کو عید الاضحٰی ہونے کا امکان ہے۔

جبکہ پاکستان سمیت کئی ممالک میں عید الاضحٰی 7 جون کو منائی جائے گی۔ واضح رہے کہ رواں سال عید الفطر بھی 2 مختلف تاریخوں کو منائی گئی۔ سعودی عرب سمیت چند ممالک میں عید الفطر 30 مارچ کو منائی گئی۔ جبکہ پاکستان سمیت دنیا کے بیشتر ممالک میں عید الفطر 31 مارچ کو منائی گئی۔