زائرین عمرے کی ادائیگی کے دوران آداب کا خیال رکھیں ، سعودی وزارت حج

منگل 8 اپریل 2025 16:57

ریاض(اُردو پوائنٹ اخبارتازہ ترین - این این آئی۔ 08 اپریل2025ء)سعودی عرب کی وزارت حج نے عمرہ زائرین کو ہدایت کی ہے کہ عمرے کی ادائیگی کے دوران آداب کا خیال رکھیں اور مقامی قوانین کا احترام کریں ۔عرب ٹی وی کے مطابق وزارت نے گزشتہ روز اپنے ایکس اکانٹ پر عمرہ زائرین سے کہا ہے کہ عمرہ ایک عظیم عبادت ہے جسے آرام و سکون کے ساتھ ادا کیا جانا چاہئیاس کے لیے ضروری ہے کہ دوسروں کا خیال رکھیں اور قوانین پرعمل درآمد کریں۔

(جاری ہے)

وزارت نے کہا کہ زائرین اپنے عمرہ سفر کو آسان بنانے کے لیے ازدہام والے مقامات پر تحمل کا مظاہرہ کریں اور دوسروں کو دھکے دینے سے گریز کریں ،علاوہ ازیں انتظامیہ کی ہدایات پر سختی سیعمل درآمد کیا جائے۔وزارت نے کہا کہ عمرہ زائرین مسجد الحرام کے اندر یا باہر بردباری کا مظاہرہ کریں، معمرافراد کا خیال رکھیں ،جذبہ ایثار اور بھائی چارے کو پیش نظر رکھا جائے، بسوں میں سوار ہوتے وقت بھی اپنی باری کا انتظار کریں اور آب زم زم پینے کے وقت بھی آداب کا خاص خیال رکھا جائے۔