نوشہرہ میڈیکل کالج ایم ٹی آئی نوشہرہ میں ایسوسیشن آف کمیونٹی ڈویلپمنٹ کی شراکت سے ٹی بی کے عالمی دن کے حوالے سے سیمینار

منگل 8 اپریل 2025 21:10

پشاور(اُردو پوائنٹ اخبارتازہ ترین - این این آئی۔ 08 اپریل2025ء)نوشہرہ میڈیکل کالج کے ڈین پروفیسر ڈاکٹر انور خان وزیر اور قاضی حسین احمد میڈیکل کمپلیکس ایم ٹی آئی نوشہرہ کے میڈیکل ڈائریکٹر پروفیسر ڈاکٹر سردار سہیل آفسر سیمینار کے مہمان خصوصی تھے۔ سیمینار میں ٹی بی آگاہی کے حوالے سے مقررین نے خیالات کا اظہار کرتے ہوئے کہا کہ پاکستان ٹی بی کا پانچوا ملک ہے جوکہ بہت تشویشناک ہے اور اعدادوشمار کے مطابق پاکستان میں سالانہ 668000 ٹی بی کیسز نمودار ہوتے ہیں۔

(جاری ہے)

مقررین میں ڈاکٹر میر عالم درانی ڈی ٹی او، ڈاکٹر نوشین صاحبزادہ ریجنل کورڈینیٹر آے سی ڈی، ڈاکٹر ابوزر ڈپٹی ڈی ایچ او نوشہرہ اور اسسٹنٹ پروفیسر و میڈیکل سپیشلسٹ ڈاکٹر نیاز علی شامل تھے۔مذکورہ سیمینار میں متعدد ڈسٹرکٹ ہیلتھ آفس نوشہرہ، ڈاکٹرز، نرسز، پیرا میڈیکل سٹاف اور میڈیکل کالج طلبہ و طالبات نے کثیر تعداد میں شرکت کی۔سیمینار کے اختتام میں بہترین کارکردگی دکھانے والے ڈاکٹرز اور پیرامیڈیکل سٹاف میں تعریفی اسناد اور شیلڈ تقسیم کی گئیں۔